“Ang rason kung bakit kayong dalawa lang ang pinatawag ko ay dahil kayo ang may pinakamababang puntos na nakuha sa laro.” Ani ni Maestra Prima sa dalawa habang hawak hawak sa kanyang dalawang palad ang papel.
Sa giliran ng aking mga mata napansin ko ang pagsulyap ni Natalie sa akin, “Si Natalie ang pangalawa sa pinakamataas ang puntos habang si Celestine naman ang nangunguna.” Narinig ko ang pagpalakpak mula sa nagtipong serbidora sa giliran. Ako’y binalot ng pagtataka, kailan ako nagkaroon ng malaking puntos? Ni hindi ako nakapaglaro nang maayos at napakadaling natapos ang laro naming dalawa.
“Hindi lang sa bawat pirasong inyong nababawas nagkakaroon kayo ng puntos kung hindi dahil sa mga kasagutan din.” Ani naman ni Maestra Prima. Gumuhit ang ngiti sa kanyang labi. “Congratulations, Ce
