SOPHIE MARIE P.O.V
5 YEAR'S LATER.....
Limang taon na ang nakalipas mula nang magpasya akong itago ang lahat para protektahan ang anak ko. Limang taon na ang lumipas mula nang magdesisyon akong maging mas malakas—at dito, sa ring na ito, nararamdaman kong natupad ko iyon.
Hindi na ako ang dating Sophie Marie na madaling masaktan at malambot ang katawan. Ngayon, habang hawak ko ang mga patalim na kuminang sa liwanag ng gym, nararamdaman ko ang bawat hibla ng aking lakas, bawat patak ng pawis na bumabagsak mula sa aking noo. Suot ko ang isang itim na sports bra at maikling shorts, simple pero sapat na para maramdaman ko ang bawat galaw ng aking mga kalamnan. Siksik at pino ang bawat muscle sa aking katawan, bunga ng taon ng pag-eensayo at paghahanda. Matigas na ang dating malambot kong ka
