TINAWAGAN ni Joebbie si Olga para ipaalam dito na nasa bahay nila tumuloy ang kapatid nito. Ayaw niya naman na mag-alala ang kaibigan sa paghahanap sa kapatid nito.
"What?" bulalas ni Olga sa kabilang linya. Napalayo pa siya sa telepono dahil sa lakas ng boses nito.
"Makasigaw ka naman. Bingi ka ba?" napapangiwi niyang tanong sa kaibigan.
"Ang ibig mo sabihin ay diyan tumuloy ang babaeng yan? Wala talaga hiya ano?"
"Makapagsalita ka naman parang hindi mo kapatid si Mandy. Alam kong wala akong karapatang magtanong kung ano ang problema ninyong dalawa pero pumunta sa akin si Mandy para humingi ng tulong. Bakit ko naman siya tatalikuran hindi ba? Isa pa pumayag naman si Charlie na tumuloy siya rito sa amin pansamantala," paliwanag niya kay Olga. Narinig niya ang malalim nitong buntong-hi
