PAPUNTA na sana ng grocery si Joebbie nang makita niya ang kanyang kapitbahay na si Anton. Mabilis itong lumapit sa kanya. Mabait naman ito. Ang katunayan nga ay ito lang ang nakakausap niya sa loob ng tatlong araw na wala ang kanyang mag-aama. Marami na rin siyang nalalaman tungkol sa lalaki.
“Saan ka pupunta?” tanong pa nito. Mukhang galing ito mag-jogging.
“Sa grocery,” sagot niya. Walking distance lang naman ang grorcery sa kanila.
“Samahan na kita. May bibilhin din ako,” sagot pa nito kaya tumango siya. “Gusto mo bang magkotse na lang tayo at mukhang marami kang bibilhin?” tanong ni Anton sa kanya.
“Sige,” sagot niyang pumayag. Naisip niya na nga kanina kung paano siya uuwi na may mga dala at hulog ng langit si Anton.
“Sandali lang at ilalabas ko lang ang sasakyan,” sagot pa ni A
