NANINGKIT ang mga mata ni Olga nang mapatingin siya kay Mandy. Kung hindi niya lang ito kapatid ay baka napatay niya na ito sa galit. Naalala niya ng una niyang natuklasan ang relasyon ng dalawa. Kulang na lang ay himatayin siya. Birthday noon ng anak ni Charlie at Joebbie na si Red at ang mga walang hiya ay naghahalikan sa loob ng sasakyan. Unang lumabas si Mandy noon at sumunod si Charlie kung kaya nagtaka siya lalo na at napapansin siya ang malalagkit na tinginan ng mga ito sa isat-isa.
Sunod-sunod ang ginawa niyang pagkatok sa pinto ng sasakyan.
“Buksan niyo ito!” sigaw niyang may pagtitimpi ang boses. Mabuti na lang ang sa likod bahay ginanap ang party. Ilang sandali pa ay nagbukas ang pinto ng kotse ni Charlie.
“Ate Olga?” gulat na gulat na wika ni Mandy. Limang taon lamang ang ag
