NASASAKTAN man ay ayaw pa rin magpaapekto ni Joebbie sa mga pag-aaway nila ni Charlie. Alam niyang pwede pa nilang maayos ang kanilang mga pag-aaway dahil ganun naman ang mag-asawa. Napapagod pero hindi maghihiwalay. Iintindihin niya na lang si Charlie lalo na at pagod ito sa maghapon na pagtratrabaho.
Nagpasya siyang magpagupit ng buhok upang magbago naman ang kanyang itsura. Palagi na lang kasi siyang nakapusod lalo na at napakarami niyang ginagawa sa bahay. Mas nakakakilos siya ng maayos kapag nakapusod.
"Mas bagay po sa inyo ma'am ang kulot. Lalabas po ang ganda ng mukha ninyo," wika sa kanya ng baklang beautician. Bahagya siyang napangiwi sa sinabi nito.
"Naku, baka naman magmukha akong nakuryente niyan," napapangiwi niyang sagot. Na-iimagine niya lang na kulot ang kanyang buhok ay
