GUSTONG isipin ni Joebbie na wala lang ang lahat at nabigla lang si Charlie sa sinabi nito sa kanya. Minsan na rin naman silang nagmahalan at alam niyang hindi madaling kalimutan yun. Tulad na lamang ng kanyang nararamdaman. Kailanman ay hindi niya tatalikuran ang asawa kahit pa anong gawin nito. Ibinigay niya rito ang lahat. Puso at kaluluwa.
“Ma, anong oras na umuwi si Papa kagabi?” tanong sa kanya ni Isabel. Nag-aalmusal na ito at si Red lalo na at parating na ang school bus ng mga ito.
“Ha? Ah----hindi ko na namalayan dahil nakatulog na ako. Bakit?” tanong niyang umiwas ng tingin kay Isabel. Abala ito sa kinakain samantalang siya ay pinagsisilbihan ang mga ito.
“Napapansin ko kasi madalas late kung umuwi si Papa. May problema ba kayo?” tanong pa nito kaya natigilan siya.
“Problema
