HANGGANG ngayon ay wala pa ring malay si Joebbie pero nailipat niya na ito sa pribadong ospital at hindi rin siya umalis sa tabi ng babae. Maliban sa kinuha niyang private nurse para rito. Nagpaimbestiga rin siya tungkol sa nangyari sa babae at napag-alaman niyang pinalayas ito ng asawa dahil sa hinala nitong may iba si Joebbie.
Hindi niya na rin kailangan pang tanungin si Joebbie para maniwala sa mga naririnig niyang kwento dahil isa lang ang alam niyang may sala. Walang iba kundi ang magaling nitong asawa. Natuklasan niya rin na itinira pa nito ang kabit sa mismong bahay ng mga ito kaya ganun na lamang ang awa na nadarama niya para sa babae. Ang mga nararanasan nito ngayon ay hindi makatarungan.
Napatingin siya sa nakabenda nitong hita. Ayon sa doctor ay kailangan nitong sumailali sa
