“PA, si Mama? Pabalikin mo na siya,” umiiyak na wika ni Red. Pilit naman itong pinapatahan ni Isabel na wala pa ring emosyon. Alam niyang galit na galit din ito sa nakita kanina. Nadatnan nilang nakayakap si Anton sa tulog na tulog niyang asawa. Walang kaalam-alam si Joebbie na may pampatulog ang ininom nitong kape kanina kung kaya madali nilang maset-up ang kanyang plano at syempre sa tulong na rin ni Anton.
“Nakita niyo ang ginawa ng Mama ninyo. Kitang-kita ninyo na nagdala siya ng lalaki sa bahay. Minsan ko na siyang pinagsabihan pero hindi siya nakinig. Kaya ko naman siyang patawarin pero sa nakita ko? Hindi na… Ayoko na lalo na at paulit-ulit niya ang ginagawang tanga,” sagot niya kay Red. “Patawarin niyo ako mga anak,” kunwari ay malungkot niyang wika.
“Naaawa ako sa Mama. Paano na
