HINDI MAPIGILANG hindi mapangiti ni Danica nang malaman na wala na si Joebbie sa kanilang mga buhay. Pakiramdam niya kasi noon kay Joebbie ay kaagawa nila sa buhay nilang mag-ina lalo na at walang gusto noon ang kanyang Kuya Charlie kundi ang unahin si Joebbie. Wala itong bukang-bibig kundi ang Joebbie na yun----and this is it… Wala na ang pesteng babaeng yun.
“Anong wala na? I-kwento mo naman,” excited niyang wika kay Mandy nang dumalaw siya. Mabuti na lang at wala ang mga bata. Tinawagan lang siya nito sa cellphone at sinabing pumunta siya dahil may good news daw ito.
“Napalayas na namin ng kuya mo. Gumawa kami ng paraan para magmukha siyang masama sa mga bata kaya pati si Isabel ay galit na galit sa ina. Hindi niya magawang awatin ang ama niya habang sinasaktan si Joebbie,” nakangiti
