PUNO ANG FUNERAL homes kung saan ay nakalagay ang kunwari niyang bangkay. Isang malaking larawan niya lamangang naroon katabi ng kanyang urn. Lahat ng kakilala, kaibigan at kamag-anak ay naroon. Perfect attendance ang lahat syempre dahil last day ng burol ay dumating si Mandy kasama ni bestfriend niyang si Olga. Maliban sa kanyang ina at kay James. Galit na galit pa rin kasi ang ina niya kay Charlie... Mabuti na rin na wala ang mga ito para walang makakapigil sa kanya... Lahat ay nasa ayos at mula sa kabilang chapel ay napapanood niya ang nangyayari. Ang todong pagkukunwari ng kanyang asawa. May paiyak-iyak pa itong nalalaman. Pakiramdam niya ay nasusuka siya sa kasinungalingan nito.
Oras na ng kanyang pagpapakita. Hinanap niya si Wayne sa loob ng chapel at kasama nito ang mga katrabaho.
