HINDI MAPIGILANG hindi kabahan ni Anton sa balitang natanggap. Papasok palang siya ng opisina nang marinig niya ang usap-usapan na patay na daw ang asawa ni Charlie. Wala namang ibang asawa si Charlie kundi si Joebbie. Ang babaeng pinalayas nito at hindi niya alam kung saan nagpunta. Ang alam niya lang ay pinalabas ni Charlie na sumama kunwari sa kanya si Joebbie at nagpakalayo-layo sila at hindi na siya nagtanong pa. Ang makahalaga kasi sa kanya ay nagawa niya ang trabaho niya at nagkapera pa. Hindi niya na alam kung saan nagpunta si Joebbie. Isa pa wala namang nakakaalam na hiwalay na si Charlie sa asawa nito. Lihim lamang iyon.
"Anong sabi mo?" tanong niya sa kanyang kasamahan. Dito niya narinig ang balita kanina. Biglang tumahip ang kanyang puso dahil sa nalaman.
"Patay na raw ang
