MABILIS na pinuntahan niya ang kanyang mga anak sa kwarto. Nang makita siya ni Isabel ay tumakbo itong lumapit sa kanya.
“Miss na miss kita Mama… Sasama na ako sayo,” umiiyak nitong wika sa kanya. Si Red ay umiiyak din. Hinalikan niya sa ulo si Isabel. Hindi niya na rin napigilan ang sarili at napaluha na lamang siya.
“Hindi na mawawala si Mama. Pangako ‘yan,” sagot niya sa mga anak. “Miss na miss ko rin kayo… Kaya ako lumaban dahil sa inyo. Pilit kong nilalakasan ang loob ko para sa inyong dalawa.”
“Isama mo na kami Ma,” wika pa ni Isabel. “Ayoko na kay Papa.”
“Oo, isasama ko kayo.”
Hawak ang kanyang mga anak ay lumabas sila ng kwarto ng chapel. Paglabas nila ay nandun pa rin si Charlie at ang kabit nito na basag ang nguso dahil sa kanyang ginawang pagsuntok. Galit na galit ito na
