HINDI ko mapigilan ang aking sarili at napahalakhak na ako, kahit naiinis ako sa kaniya.
"Ano ba ang nakakatawa sa sinabi ko?" seryosong tanong ni Yuwano.
"Bakit, masama ba ang tumawa apo?" At humahalakhak na naman ako para asarin siya. At biglang may naisip na naman akong paraan.
"Okay, fine! I am your step-grandma. And you are my apo! Lasing na si Lola mo, kaya ihatid mo na ako sa bahay," utos ko sa kaniya.
"Mag-taxi ka na lang. Hindi pa ako uuwi," tanggi niya sa akin.
"Ihahatid mo ba ako o isumbong kita sa Lolo mo?" Pananakot ko sa kaniya.
"Okay! Okay! Just stay here and I will get the car." At nagmamadali siyang pumunta sa parking area.
"Huh! Sira ulo na tao! Pagdudahan pa naman ako na karelasyon ang Lolo niya. Hmp!" sabi kong mag-isa, habang nakayo at naghihintay sa kaniya.
