HUMINGA nang malalim si Yuwano, bago ito nagsalita, "Galit 'yon sa akin Lolo, ninakawan ko kasi ng halik sa pool." At nakangiti ito, sabay kagat ng pang-ibaba niyang labi.
"Ano?! Bakit mo naman ginawa, Yuwano?" gulat na tanong ni Nanay Isnie, at sinapak nito ang balikat niya.
"Apo, dahan-dahanin mo naman iyang pobre."
"Nangyari na Lolo, eh! Hindi ko lang na pigil ang aking sarili. Ang ganda kasi ni Chicklet." Pagbibiro nito
"Juicemilo! Yuwano! Huwag mong lukuhin iyang si Chicklet, magagalit talaga ako sa 'yo." Banta ni Nanay Isnie.
"Ay! Lalo na ako apo. Huwag na huwag mong paglaruan si Chicklet dahil inosente pa 'yan sa pag-ibig. At hindi ko siya pinatira dito para idamay mo dyan sa pagiging desperado mo sa mga babae."
"Lolo, hindi ako ganoon, gusto mo pa bantayan ko iyang Chicklet
