ILANG BUWAN ang nakalipas ay unti-unting naghilom ang sakit na dulot sa pag-alis ni Yuwano. Dahan-dahang bumalik ang lahat sa normal at hindi ko na siya masyadong naiisip. Hindi na ako umaasa na muling babalik pa siya. Ngunit nakaukit na si Yuwano sa aking puso at hindi na iyon mabubura pa dahil minahal ko siya. Subalit hanggang doon na lang at wala na akong magagawa, sapagkat kasalanan ko naman ang lahat-lahat kung bakit siya lumayo.
"I know hindi niya ako totoong minahal ginawa niya lang akong panakip-butas sa panahong nasasaktan siya sa ginawa ng kaniyang dating nobya. Dahil kung totoong mahal niya ako ay dapat hindi siya sumuko agad. Dapat tumawag na siya sa akin o kumustahin man lang niya ako," bulong ko habang nakahiga ako sa aking kama.
Napaluha ako bigla nang maalala ko ang mga m
