Chapter 14
“HINDI mahirap hanapin ang taong iyan, Ma’am,” sabi ng private investigator na inupahan ni Ayesha para subukang hanapin si John Eitan Ferrera dito sa Pilipinas. Hindi niya akalaing matutunton ito agad ng detective na iyon.
Naisip kasi niya na baka hindi rin si Joe ang lalaking nasa marriage contract at nakapangalan lang. Naalala niya na may nabanggit noon ang lalaki na babalik ito ng Hawaii. Sabi pa nito ay sinamahan lang nito ang mommy nito na bisitahin ang mamamatay ng abuela.
“Naririto siya sa Pilipinas?” gulat na tanong niya sa kaharap na detective.
“Oho. Ito po siya.” May iniabot itong mga litrato mula sa file na hawak nito. Iniabot na rin nito ang makapal na folder na naglalaman ng report nito.
Pakiramdam niya
