Chapter 17
AKALA ni Ayesha ay hindi siya makakatulog ng maayos pagkatapos ng ma-dramang pagkikita nilang muli ni Joe after seven years. Ngunit nagkamali siya. Dala marahil ng sobrang pagod sa mahabang biyahe at ng matinding pag-iyak nang makita ulit si Joe kaya talagang sumuko ang kaniyang katawan. Isa pa, malamig sa guestroom na inookupa niya sa loob ng cottage nito at napakalambot ng kama.
Hindi pumayag si Joe na sa villa siya matulog o sa visitor’s wing niyon. Iginiit naman niya na dapat ay kasama niya si Maria, kaya ito ang umookupa sa isa pang natitirang bakanteng kuwarto doon sa bahay na iyon ni Joe.
Paglapat na paglapat pa lamang ng kaniyang likod sa kama kagabi ay agad siyang inehele ng antok. Gayunman, maaga pa rin siyang nagising
