Chapter 16
HINDI malaman ni Joe kung ano ang kaniyang gagawin. Naiirita siya sa mga matatandang bisita nila ngayon sa mansion ng kaniyang Lola Senyang. Walang pasabing dumating ang mga ito nang hapong iyon at biglang nagdeklarang doon muna pansamantalang manunuluyan hanggang matiyak daw ng mga ito na safe na ang mga ito sa kapahamakan mula sa mga tauhan ni Governor Custodio. Eksaheradong nagkuwento ang mga ito pagdating na pagdating sa mansiyon kung papaanong binabraso ng nasabing gobernador ang kanilang angkan.
“Isipin mo nga, dis-oras na ng gabi ay may umiikut-ikot pang mga sasakyan sa mga bahay namin. Pati mga anak at mga apo ko ay natatakot na dahil baka magsimula nang manakit ang mga iyon.” Sabi ni Lola Lumeng habang nanlalaki pa ang mg
