Chapter 18
NANLAKI ang mga mata ni Ayesha sa sinabi ni Joe. Biglang umahon ang pag-asa at biglang bumilis ang t***k ng puso niya. “Nasaan? Patingin nga.”
“Naitago ko nga.” Sagot naman ni Joe sa kaniya.
“Akin na! Akin na, Joe!” halos pasigaw na sabi niya rito.
“Sandali nga,” nakakunot-noong sabi nito. “Bakit ba kung makapag-demand ka, akala mo’y ikaw ang nagmamay-ari n’ong picture at parang may obligasyon akong basta na lang ipakita iyon sa’yo?” kahihimigan ng inis ang boses ni Joe pagkasabi niyon.
“Dahil buhay ko ang nakasalalay rito,” ani Ayesha, saka biglang nahimasmasan. Medyo nagsisi siya sa naging reaksiyon niya. Hindi niya iyon dapat ina-antagonize. Siya ang may kailangan dito.
“Well, sorry. Hindi ko ipinamimigay ang memorabilia ng kasal ko,” pasupladon
