Chapter 21
“Hindi ko lubos-maisip kung ano ang nangyari sa akin at sinuportahan ko ang kandidatura ng isang iyon,” iiling-iling at napapalatak pang sabi ni Donya Senyang nang magsipasok na sila sa loob ng bahay. “Aba, matapang pala itong asawa mo Joe.” biglang baling sa ng matanda kay Ayesha.
Nagulat silang lahat nang biglang sumulpot doon ang babae. Pano’y bigla-bigla na lang hanapin ni Renato ito at may nakapagsabi na pala agad dito na dumating na raw ang asawa ni Joe. Sila naman ay agad na itinago muna ito at ni hindi pa nga kasi ito nakakapapahinga buhat nang dumating ito kahapon. Natutuwa siya sa biglaang pagdating nito at sa wakas ay magiging masaya na ang kaniya apo, subalit hindi sa ganitong paraan na gusto ni Renato. Aba, sino siya para magdemand para kitain ang asawa
