Chapter 22
Matamang tiningnan ni Ayesha ang hawak na larawan. Nakaputing bestida ang babaeng nakahawak sa braso ni Joe habang ang isa namang kamay nito ay may tangang maliit na bouquet. Kasama ang huwes sa picture na iyon. Hindi maikakailang nasa loob ang mga ito ng isang law firm dahil nasa background ang logo niyon. May iba pang non-entity na kasama sa picture. Natawa na lang si Ayesha dahil sa kuhang iyon ay malabo rin niyang makilala ang bride ni Joe. Nakunan kasi ang larawang iyon eksaktong nakatagilid ang mukha ng babae tila may tiningnan ito sa balikat nito. Tuloy, medyo blurred ang kuha at naka-side view pa ang babae. Wala siyang makitang mukha dahil natakpan pa ng gumalaw na mahabang buhok nito iyon.
Napailing si Ayesha. “Obviously, this is of no use for me whatsoever. Hindi ko
