Chapter 20
“Nabuntis niyang asawa mo ang anak kong si Margarette. At kilala mo ba kung sino ako?” ang mayabang na tanong ni Governor Custodio kay Ayesha.
Nais niyang sindakin ang babaeng kaniyang nasa harapan na nagpakilalang asawa ng tarantadong si Joe, ang lalaking itinuturong ama ng dinadala ngayon ng kaniyang anak na si Margarette.
Hindi yata nalalaman ng babae kung sino siya kung kaya’t ganoon nalang umusap sa kaniyang harapan. Hindi niya iyon mapapayagan.
“Sino nga ho ba kayo?” ang ganting tanong naman ni Ayesha dito.
Palibhasa ay laking Maynila ang dalaga, kung kaya’t hindi na bago sa kaniya ang pagiging maangas ng kaniyang kaharap. Hindi siya paiintimidate dito kung iyon ang plano nito. Halata namang binabraso nito si J
