Chapter 12
DISMAYADONG tiningnan ni Ayesha ang pangalawang kopya ng legal marriage certificate na hawak niya. Siya na mismo ang pumila at kumuha niyon sa main office ng PSA sa Diliman, Quezon City.
Pangalawang araw na rin iyon na nag-undertime siya sa restaurant. Buti na lamang at maluwag ang trabaho ngayon sa restaurant kaya okay lang sa kanilang head chef na mag-undertime siya. Ang akala pati ng mga ito ay busy siya para sa wedding preparations nila ng kaniyang fianceé.
Naiinis siya sa nangyayari dahil sa halip na nag-eenjoy siya sa preparations ng kasal niya, ang nangyari ay masyadong siyang tensiyonado para ma-appreciate ang big fuss na ginagawa ni Paolo. Naiirita tuloy siya rito. Iniisip na lang niya na siguro ay normal lang na reaksiyon
