"ARE you guys excited to see them?"
Mula sa backstage ay rinig ko ang malakas na sigawan at palakpakan ng mga taong nanonood sa loob ng studio. Bahagya akong napangiti dahil sa naging reaksiyon nila.
Napatingin ako kay Trevor nang ilahad niya ang braso sa harapan ko. Marahan akong tumango nang maintindihan ang ibig niyang sabihin sa galaw niyang 'yon. I walked closer to him and held his arm.
"Hindi na natin patatagalin ang paghihintay nyo. Everyone, let's all welcome; ang tinaguriang Goddess of Asia, Valerie Leostre with her leading man, Trevor Gomez!"
Nang marinig ang sinabi ng host, naging senyales ito sa amin ni Trevor para lumabas na ng backstage. Pareho kaming may malawak na ngiti sa labi nang magtungo na mismo sa stage. Ni wala man lang mababakas kahit na katiting na kaba sa amin
