NANG marinig ang pagtunog ng bell senyales na tapos na ang klase ay agad ko nang iniligpit ang mga gamit ko. Nagpaalam pa muna kami sa professor bago ito tuluyang lumabas sa silid namin. Ito na rin ang huling klase ko ngayong araw.
Patapos na ako sa ginagawa nang mapansing may tao ang tumayo sa harapan ko.
"Hey, Valerie."
Isinara ko muna ang bag bago nag-angat ng tingin kay Bea.
"What?"
"Sama ka sa amin ni Avah? Tatambay kami."
Umiling ako. "Pass muna."
Naningkit ang mga mata niya sa sinabi ko. Humalukipkip pa siya sa harapan ko. "Be honest with me, Valerie. Anong problema sa 'yo?"
Hindi agad ako nakaimik sa naging tanong niya. Pilit kong umakto ng normal at nagkibit-balikat na lang.
"There's nothing wrong with me."
"Kung gano'n, bakit hindi ka na sumasama sa amin ni Avah? Iniiwa
