"VALERIE..."
Pilit akong ngumiti sa harapan ng mga kaibigan. Bakas ang pag-alala sa mga mukha nila. Kanina pa sila ganito kahit nagpunta na kami sa isang mall.
"Don't worry about me, girls. I'm fine."
Mahinang napasinghal si Bea. "Bakit ba kasi biglang hindi na makakarating 'yang si Castiel? Don't get me wrong, ha. Wala akong problema sa kanya. Naiinis lang ako dahil kita ko sa 'yo kanina ang pagka-disappoint mo nang malamang hindi na siya makakapunta sa date nyo."
"Bea's right. You were so excited pa naman para sa date nyo," segunda ni Avah.
Napabuntong hininga ako. "Biglang may nangyari sa trabaho niya, kaya hindi siya makapag-out agad."
Napairap si Avah at humalukipkip pa. "Trabaho ba talaga?"
Pinagkunootan ko siya ng noo. "Ano bang pinagsasabi mo?"
Nagkibit-balikat siya. "Hindi
