"TAKE a rest for now. Mamayang tanghali ay magsisimula agad ang shooting nyo," bilin sa akin ng manager ko.
Tumango ako. "Got it, Ma'am Grace."
Ngumiti siya sa akin at nagpaalam pa sa mama ko bago lumabas sa inuukupa naming kwarto sa isang hotel. Napagpasyahan ng ina kong sumama sa probinsiyang pagshu-shooting-an namin dahil na rin sa pag-aalala sa akin. Ito kasi ang unang beses na magshu-shoot ako sa malayong lugar.
"Ako na ang bahala sa mga gamit mo. Magpahinga ka muna."
Tumango na lang ako kay Mama at naglakad patungo sa bintana para silipin ang labas. Matapos doon ay naisipan ko ang maupo na lang sa sofa.
Inilabas ko ang phone at tiningnan ito. Sumalubong agad sa akin ang mga mensahe ni Castiel. Karamihan sa mga 'yon ay bilin lang tulad ng huwag kong pababayaan ang oras ng pagkain
