"MA, alis na po ako."
Saglit na tinigilan ni Mama ang ginagawa sa kusina nang marinig ang pagpapaalam ko. Tumango siya.
"Mag-iingat ka."
Sunod-sunod akong tumango at nilapitan siya para bigyan ng isang halik sa pisngi.
"Yes, Ma. Uuwi rin po ako agad mamaya."
"Sige na. Umalis ka na."
Nagpalitan pa kami ni Mama ng ngiti sa isa't isa bago ko siya tuluyang iniwanan nang mag-isa sa salas. Habang naglalakad naman palabas ng bahay ay inilabas ko ang phone ko para magpadala ng mensahe kina Bea at Avah, ipapaalam sa kanilang paalis na ako sa amin.
Ngayong weekend, dahil wala naman akong naka-schedule na trabaho ay naisipan ko na lang ang makipagkita sa mga kaibigan ko. Ito na rin ang pangako kong babawi sa kanila sa ilang beses na hindi pagsama sa mga lakad nilang dalawa.
Nauna na ang dalaw
