"ARE you mad at me?"
Namilog ang mga mata ko sa narinig na tanong ni Castiel. At kahit na hindi lumingon sa kanya, ramdam ko ang paninitig niya sa akin.
Lumunok ako at pilit na umaktong normal sa harapan niya. Ngayon lang siya nagsalita simula kaninang magkasama kami.
Huminga ako nang malalim bago tinugon ang sinabi niya.
"Not really."
"Pero hindi ka na sumasagot sa mga text ko."
Napalabi ako, hindi pa rin magawang makatingin sa kanya.
"Busy lang ako..."
Naramdaman ko na ang pag-iwas niya ng tingin sa akin at malalim na bumuntong hininga. Akala ko ay mananahimik na siya ngunit hindi pa pala.
"I know you're avoiding me, Valerie."
Bumaba ang ulo ko habang patuloy pa rin kami sa paglalakad. Nasa kanto na kami ngayon at malapit na sa bahay.
"Hindi sa gusto kitang iwasan, pero 'yon
