"THANK you for making this day special, love. Sobrang saya ko ngayon. Kung alam mo lang."
Nasa sala sila at nanood ng Netflix. May isang oras na rin simula nang matapos silang kumain. At masaya si Erin na nagustuhan ni Caleb ang lahat ng inihanda niya. Sulit ang pagod niya.
Nakangiting tiningala ni Erin ang nobyo. Nakaunan siya sa hita nito habang nakaupo naman ito sa sofa. "Masaya din ako, love."
Yumukod si Caleb at hinagkan siya sa noo. In fact, kanina pa ito panay halik sa saan mang parte ng mukha niya. "Parang hindi ako makapaniwala na twenty seven na ako pero hanggang ngayon ay tayo pa rin. Malapit na tayong mag-seven years." Tumawa ito nang marahan. "Sino ang mag-aakala na magtitino ang isang tulad ko?"
"Ang bilis nga ng panahon. Teenager pa lang tayo nang magsimula tayo." Napasi
