"CALEB..." halos hindi humihinga na usal ni Erin nang haplusin nito ang kaniyang pisngi habang napakalapit ng mga mukha nila sa isa't isa.
Kung ano-ano na ang pumapasok sa isip ng dalaga habang magkaugnay ang kanilang mga mata. Isa na roon ang ideyang hahalikan siya ni Caleb.
Pero...
"Bakit kaya ayaw matangggal ng dumi sa pisngi mo?" kunot-noong tanong ng binata habang patuloy na hinahaplos ang pisngi niya.
Dahil sa narinig kaya hindi alam ni Erin kung matutuwa ba siya o madidismaya dahil mali naman pala ang kutob niya. Advance lang talaga siyang mag-isip.
Malisyosa ka lang ka'mo. paepal na namang sabat ng isip niya.
"Bakit nagkaroon ako ng dumi diyan?" Hinaplos ni Erin ang parte ng kaniyang pisngi na sinasabi ni Caleb na may dumi raw. Pero dahil naroon pa rin ang kamay ng binata
