"I'M sorry, little sis. Gustuhin ko mang umuwi para madalaw si Mommy, hindi puwede. Buntis uli ang Ate Lily mo at may sakit si Loki. Hindi ko sila puwedeng iwan. Ikaw na muna bahala kay mommy, ha? Promise, babawi si Kuya kapag naging okay na ang sitwasyon namin dito."
Hindi alam ni Erin kung paano natapos ang pag-uusap nila ni Kuya Rafael. Namalayan na lang niyang nakababa na pala ang hawak niyang cellphone at nakayukyok na ang ulo niya sa ibabaw ng lamesa. Malalim na ang gabi pero hindi pa rin siya dalawin ng antok. Kahit ilang araw na rin siyang walang maayos na tulog simula nang atakehin sa puso si Mommy Nenita.
Nang tawagan siya noon ni Sinang, ipinaalam nito sa kaniya ang ibinalita ng mga katrabaho ng kaniyang ina. Na isinugod nga raw ito sa ospital dahil bigla na lang tumumba hab
