"SIGURADONG isa ito sa mami-miss natin sa Canada," sabi ni Erin habang sumusubo ng popcorn.
Nasa loob na sila ng sinehan ni Caleb at halos kasisimula pa lang ng pelikulang pinapanood nila. Isa iyong romantic-comedy na Pinoy movie. Binibidahan ng paborito nilang love team at kasama rin ni Caleb sa iisang network. Sold out na kasi ang mga pelikula ng kaniyang nobyo na palabas din sana sa sinehang iyon.
"Totoo 'yan, love. Pati na rin itong mga Pinoy movies, siguradong mami-miss din natin. Although may TV channel naman sa Canada na puwede nating panooran ng Filipino shows. Kaso iba pa rin ang feeling na nandito ka sa loob ng paborito mong sinehan." Dumampot ng popcorn si Caleb at isinubo kay Erin.
"Ano nga pala ang sabi ni Princess nang malaman niyang hindi ka na nag-renew ng contract at
