HINDI alam ni Erin kung gaano na siya katagal sa loob ng comfort room. Kanina pa siya nakatitig sa harap ng salamin habang hawak-hawak ang mga labi. Tila hanggang ngayon ay nararamdaman pa niya ang malalambot na mga labi ni Caleb.
Saglit lang naman ang pagkakalapat ng mga labi nila kanina. Pero ang tindi ng epekto niyon kay Erin. Buong sistema niya ang apektado. Hindi rin mawala-wala sa isip niya. Paulit-ulit niya iyong naaalala. At sa tuwina ay umiinit ang pisngi niya.
Hindi makapaniwala ang dalaga na may naka-first kiss na sa kaniya. At dapat ay mag-alala siya. Pero aminin man niya o hindi, batid ni Erin na masaya ang puso niya dahil si Caleb ang nakakuha niyon. Kahit unintentional lang iyon.
Pero ano pa ang mukhang ihaharap ko sa kaniya mamaya?
Nang may pumasok na tatlong babae ay
