PAUWI na si Erin nang hapong iyon. Nahihirapan siyang sumakay ng jeep dahil halos lahat ng dumadaan ay puno na. Kalahating oras na rin siyang nag-aabang. Lahat ng mga kaibigan niya ay nakaalis na.
"Ano'ng rank mo na sa Mobile Legends, Caleb?"
Natigilan si Erin nang marinig ang boses ni Matt mula sa likuran niya. Bumilis ang t***k ng kaniyang puso nang banggitin nito ang pangalan ni Caleb. Halos pigilan niya ang kaniyang paghinga nang magsalita ito.
"Mythical Glory, bro. P*cha! Hindi ko talaga tinigilan. Three days yata akong hindi natulog."
Napalunok ang dalaga nang marinig ang boses ni Caleb. Bakit ganoon? Bakit nami-miss pa rin niya ito kahit sa boses lang? Pero bakit ibang-iba na itong manalita kaysa noong maayos pa silang dalawa? At tama ba ang narinig niya? Hindi na ito natutulog
