"O, bakit wala ka na namang lipstick? At bakit lumang rubber shoes na naman ang suot mo?" nagtatakang salubong kay Erin ng kaniyang ina, kinabukasan, pagpasok niya sa eskuwela.
"Hindi po kasi ako comfortable, 'My. Feeling ko, ibang tao ako." Napakagat-labi si Erin dahil sa pagsisinungaling kay Mommy Nenita.
Nanghihinayang na tiningnan siya nito. "Bagay pa naman sana sa'yo ang transformation mo kahapon, Anak. Pero 'di bale, maganda ka rin naman sa pagiging simple. Kung saan ka na lang mas komportable. Hindi na kita pipilitin pa."
Ngumiti si Erin, na alam niyang ibang-iba sa ipinapakita ng kaniyang mga mata. Mabuti na lang at mukhang hindi iyon napansin ng ina. "Thank you po, 'My."
"Siya nga pala, naibigay mo ba kahapon kay Caleb ang empanada?"
Awtomatikong napalis ang ngiti sa mga lab
