"CALEB, puwede ba kitang mahiram sandali? Kasi may mga fans na gustong maki-groupie sa ating dalawa, eh," wika ni Princess nang makalapit sa kanila. Nginitian naman nito si Erin. At okay naman sila noon pa man. Pero ewan kung bakit may time na hindi niya ito gusto. "Okay lang ba, Erin?" baling sa kaniya ng ka-love team ni Caleb.
Pero dahil ayaw niyang magmukhang possessive girlfriend at kontrabida sa love team ng dalawa kaya pumayag na siya. "Okay lang. Work naman 'yan, eh."
Nang lingunin niya si Caleb ay bahagya pa siya niyong pinandilatan ng mga mata. Ngunit pumayag din naman sa hiling ng ka-love team. "Sige, Princess. Para naman hindi masayang ang pagpunta nila rito sa set."
Napasimangot si Erin. Ewan kung napansin iyon nina Caleb at Princess. Pero iyon ang nagiging reaksiyon niya sa
