"SANA hindi na lang kita nakilala. Dahil kung gaano kita minahal noon ay ganoon naman ako nasasaktan ngayon. Pinagsisisihan ko na ipinaglaban kita, na minahal kita. Sana... hindi na lang ikaw ang babaeng pinangarap kong pakasalan. Para hindi ako nasasaktan nang ganito ngayon." Habang sinasabi ni Caleb ang ganoon ay sabay naman na tumutulo ang luha nito. Kitang-kita sa mukha nito ang totoong sakit.
"Cut!"
Kasabay ng pagpalakpakan ng director, staffs, at mga kapwa artista ni Caleb ay pumalakpak din si Erin. Hindi rin niya napigilan ang mapahiyaw dahil sa sobrang paghanga sa nobyo. Napakagaling na talaga nitong umarte. Walang duda kung bakit dito napunta ang lead role sa isang television drama anthology na iyon, na ipinapalabas nationwide tuwing Sabado ng gabi.
"Love!" nakangiting tawag n
