MATAPOS daluhan ang kasal ng kaibigan naging abala si Nathalie sa paghahanda para sa gaganaping Nurse Licensure Exam. Ipinagsawalang bahala muna nito ang paghahanap sa kapatid mas itinuon ang sarili sa pagre-review. Maging ang nobyo halos ’di na rin sila nagkikita nito. Tulad niya mas busy ito sa pagbabantay kay Kate, dahil sa sunod-sunod na problema ang dumating sa kumpanya ng asawa nito. Ang huling balita n’ya sa Tagaytay namalagi ang mga ito.
“Anak, excited ka ba o kinakabahan?” tanong ni Aling Luisa sa anak. Nang makita nitong maagang gumayak ang dalaga papuntang Manila para sa board exam.
Humarap si Nathalie sa ina ng may pag-asa na maiiraos niya ng maayos ang pagsusulit.
“Kinakabahan po. Feeling ko bibitayin ako anumang oras,” nakangiting biro ni Nathalie sa ina. Saka inayos ang b
