“Dude, diyan na kaya tayo sa inn na ‘yan makiusap,” himok ni Zef kay Cavell. “Miss ko na ang shower, kutson at aircon.” Umungol pa ito pagkasalita.
Sumusunod naman nang tahimik kina Cavell at Zef ang cameraman nila.
“It’s an inn, princess. Akala mo ba patutuluyin tayo diyan kapag walang pera?” punto niya. “Ginastos na kaya natin ang dalawang dolyar kanina kaya dalawang dolyar na rin lang ang natitira sa ‘tin. Kakain pa tayo.”
“Diskartehan na natin. Baka babae ang receptionist, pa-cute tayo,” anang Zef na ngumisi. Itinaas-baba pa ang mga kilay. “Sabihin nating vlogger tayo ta’s magbibigay tayo ng review sa inn nila. Libreng endorsement pa.”
Napatawa nang marahan si Cavell. “Paniniwalaan ka kaya? Dude, ‘yang mukha mo hindi kasi mapagkakatiwalaan.” Dinuro niya pa ito at napatawa.
“Dude,
