“Ang bait ni Zikri, ‘no?” wika ni Tavi habang nasa loob na sila ng isang pandalawahang katao na kuwarto ng inn ni Djora. “Papaalisin sana ni Rahmat sina Cavell at Zef dahil katunggali natin sila sa show.”
Napasulyap si Djora sa kaibigan habang nag-aayos bago pumunta ng banyo. Ang cameraman nila ay nakatutok pa rin ang hawak na aparato sa kanila. Hindi ito aalis hangga’t matutulog na sila. Tutuloy naman ito sa isa pang kuwarto ng inn, kasama ang cameraman nina Cavell at Zef.
“Kahit sino ay maaawa naman kapag malaman talagang walang pera ‘yong tao,” nasabi na lang niya.
“Friend, mali ka. Hindi mukhang walang pera ang mga iyon kundi sa show lang. Balita ko may-ari ng malaking real estate company sa bansa si Cavell at tagapagmana naman ng chain of hotels si Zef. Isang tingin ko pa lang sa m
