ملك وآسر والجان العاشق

الحلقه الرابعه

(ملك والجان) الجزأ السابع

بعد ماالدجال قرأ علي ورقه كلام غريب وكتب اسمها وحطهم ف كيس الملح

قال لملك قربي وبصي ف عيني ايدك جمبك وماتتحركيش وحط ايده علي كتفها والأيد التانيه علي دماغها وقالها بصي ف عيني وقعد يقرأ بصوت واطي وبسرعه كلام غير مفهوم ومركز في عنيها

ملك مش قادره تبص ف عنيه قلقانه منه ومش مرتحاله خصوصا ريحته حاسه انها شمتها قبل كده ولمسته دي اللي من اقل لمسه بتوجع مكانها مش قادره تشيل ايده من علي كتفها ودماغها كأن جبل فوقها مش قادره تتحرك ولا تنطق بكلمه كأنه مكتفها بلمسته ليها

الدجال :قلتلك بصي وركزي ف عيني وبطلي اللي انتي بتفكري فيه ده استسلمت ملك للأمر الواقع يمكن تخلص من العذاب اللي هيا فيه واول مابصت في عينه وحققت شافت حاجه غريبه شافت نفس اللي شفته وهيا تحت الأرض

عنيه مش زي عين البشر عاديه لا عنيه من بعيد زينا عادي لكن أما قربت منها وحققت لقت جواها شعله نار نفس الشعله اللي شافتها ف عيون سكان الأرض بتنزل بعينها علي بقه شفايفه سمرا وهو بيقرا ف سره بيبان ليها أنياب مش سنان زي البشر عادي ريحه نفسه الب*عه هنا ملك بصت ع ودنه لمحت طرفها اللي طالع لفوق شويه وشكلها غريب ضوافره طويله ومحدده هنا ملك اتأكدت ان ده مش دجال ده مش بشر أصلا نعقول يكون جني زيهم ياتري ملك الجان ولا ده خدم مبعوت من عنده ‘افتكرت كلام امها لما قالت انها لقت الكارت ف اوضتها انا كده فهمت يعني هما اللي عاملين كل ده عشان كده مكنش راضي يقرأ قرأن بصوت عالي أنا لازم اتحرك قبل فوات الأوان لايكون بيعزم عشان ينزلني تحت الارض تاني

شالت ايده بكل قوتها من عليها وزقته ابعد بعيد عني

اي في اي مانتي كنتي حلوه وساكته قصدي أنا كنت قربت اخلص انتي بعدتي ليه

انتا مش بشر مستحيل انتا اكيد ملك الجان هو اللي بعتك انتا جني مش بشر زينا كنت حاطط ايدك ع دماغي عشان تخدني معاك تحت الأرض

الجني :إي اللي انتي بتقوليه ده

أمها:ملك انتي مش عاوزه ترتاحي ياحبيبتي

أيوه ياماما بس..

قاطعتها أمها تبقي تسمعي الكلام اللي الشيخ يقولك عليه

شيخ اي بس ياماما دا لاشيخ ولازفت دا مش بشر أصلا

ام ملك:أيوه هو مش بشر انا عارفه وغمزت للدجال بس اسمعي الكلام عشان ترتاحي

ملك:لايمكن هخليه يلمسني بعد الوقتي ولا يحط ايده ع جسمي يلا بينا نمشي من هنا

الجني:جني اي وملك الجان مين انتي شكلك كده ملموسه واللي عليكي جن عاشق ومش عاوزك تتعالجي

ملك بدموع لأمها:يلا ياماما لو سمحتي

الجني:علي فين العزم احنا لسه مخلصناش مش تستني لما تاخدي العمل بتاعك معاكي

ملك:لا مش عاوزه انا لامعمولي عمل ولامصدقه الكلام اللي انتا بتقوله ده

امها:. خدت ملك علي جنب استني بس ياملك مستعجله علي اي اصبري خلينا نشوف هيعمل اي لو هو صادق هيعالجك خليك ورا الكذاب لما نشوف اخرتها معاه اي وراحت للجني ايوه ياشيخ هاتهولنا فين هو

الجني:خليها تدور عليه ف كيس الملح لللي حطيت فيه الورقه

أم ملك:بس دول كلهم مقفولين ازاي انتا لسه حاطط فيه الورقه وكان مفتوح

الجني:قلتلك خليها تدور بإيدها

أم ملك:حاضر حاضر

افتحي يبنتي وشوفي هتلاقي ف أنهي كيس من دول

ملك:لسه برضوا ياماما هتمشي ورا التخاريف اللي بيقولها دي

طبعا انتي مش مصدقه كل اللي قلتهولك ومصدقاه هو

أم ملك:معلهش ياحبيبتي اهو نجرب يمكن يطلع كلامه صح خدي بس دوري ف انهي كيس ملح من دول العمل اللي معمولك

ملك قعدت تفتح كيس ورا كيس وف رابع واحد لقت حاجه غريبه اوي ورقه ملفوفه قديمه جواها حته من الدريس اللي لبساه وشعر من شعرها وكلام غريب مكتوب بالمقلوب

أم ملك :مش قلتلك ياملك الشيخ ده كويس وهترتاحي عليه

الحمد لله ان ملفناش كتير كنا هندوخ اهو طلعلك العمل اللي كان تاعبك بس ياريت لو تقولنا مين اللي عملهولها ياشيخ ينوبك ثواب فينا

الجني:ماينفعش أقول مش شغلتي وحرام اوقع الدنيافي بعض

ملك ف نفسها معقول يكون كلامه صح ودا عمل معمولي فعلا هو اللي عمل فيا كده معقول اكون انا اللي غلط

بس أومال اي اللي شفته ده بيقاطعها صوته لسه في حاجه انتظروني هنا

راح أوضه تانيه وراحت ملك وراه من غير مايحس بيها

سمعته ييتكلم كلام غريب وصوت حاجات بتت**ر في الاوضه وكلام مش مفهوم وخرج ادالهم ورقه بيضا وقال لملك مشيها ع النار دي وشاور علي شعله نار كانت ف ايده وحطها قدامها عشان أثبتلك ان كلامي صح

ملك:نار اي اللي حط عليها ورقه دي تتحرق

الجني: لا مش هتتحرق حطيها بس ومالكيش دعوه

مشت ملك الورقه ع شعله النار بس الورقه ماتحرقتش

بدأ يظهر عليها دم والدم بيتحول لكلام بيقول

بسم الله الأنسه ملك معمولك عمل بالمرض والجنون ووقف الحال متفرقيش بين الحقيقه والخيال والكوابيس متسبكيش في المنام وتسيطر عليكي الأوهام وعشان ترتاحي لازم تحرقي العمل والورقه دي في الحمام

ملك للدجال احرق اي دي مكتوب عليها اسم الله

الدجال بقلق ماتقلقيش مش هيحصل حاجه وبعدين ده هيتحرق احسن مايفضل كده

أم ملك :يعني ياشيخ مفيش فيها حرمانيه

لا لا ماتقلقوش بس محدش يحرقها الا هيا ولازم تجيبلي دهب ارميه فديه في البحر لجان البحر عشان هما اللي جابو العمل من قاع البحر بس

ام ملك:بس أنا مش معايا أشتري دهب مكنتش عامله حسابي

بص لايدها وابتسم بخباثه

أم ملك:أه فهمت قلعت دهب من اللي لابساه واادتهوله

الجني: لا مش عاوز دهب منك انتي

ام ملك:نعم اومال عاوز من مين

الجني:قصدي أنا عاوز الخاتم اللي ف ايد ملك حاجه من ريحتها هيا

ملك:مستحيل طبعا دا هديه من أبويا ومستحيل هفرط فيها

معلهش ياشيخ خد ده الوقتي وانا هحاول اجبلك حاجه من ريحتها المره الجايه

الجني:بغضب معلهش ماهي مش أخر مره هشوفها فيها

ملك:بتقول حاجه لا لا كنت بقول ان اما اشوفك المره الجايه هتكوني أحسن من دلوقتي

(في البيت)

ملك:انا مستحيل احرق الورقه دي في الحمام

أم ملك:لازم تحرقيها عشان تبقي كويسه زي مالشيخ قال ملك:ده مش زفت ده دجال نصاب دا جني اصلا مش بشر ولا شيخ ولا حاجه

انا هحرق الورقه عشان ترتاحي وتعرفي ان هو كذاب

ملك قطعت اسم الله اللي مكتوب في الورقه من ورا امها وحرقت الورقه مش شايفه يعتي حصل حاجه زي ماقولتي انتي والدجال بتاعك ده

امها:بس اصبري بس وهنشوف هيحصل ايه

دخلت ملك تنام وسابت باب أوضتها مفتوح عشان لو حصل حاجه امها تسمعها نامت من كتر التعب صحت علي صوت حركه غريبه في الاوضه فتحت عنيها لسه حاسه بصوت خطوات ماشيه علي الأرض مين محدش بيرد لمحت خيال واقف ع باب الأوضه واقف بالجنب بيبص عليها اما بصتله بص قدامه ومشي قامت ملك مشت وراه في المكان لللي شفته رايح ناحيته ملقتوش رجعت ع أوضتها وكانت المفاجاه.. يتبع

#ملك وآسر والجان العاشق

#ياسمين سامي

لو وصلت للجزء ده من الروايه فضلا وليس امرا أتمني تدعموني وتضغطوا علي القلب اللي موجود في بدايه القصه تخت الغلاف قبل الاجزاء هينور بلون أبيض كده تبقي عملت فولو للروايه عشان يوصلك اشعار بكل جديد

رايكم بيشجعني وبيخليني استمر دمتم بخير