ملك وآسر والجان العاشق

الحلقه الخامسه

قامت ملك ورا الخيال ملقتوش رجعت تاني علي الأوضه

وهيا داخله علي السرير لقت حركه غريبه وراها بصت علي الكرسي لقت شخص قاعد علي الكرسي اللي قدام المرايه

رجعت ملك لورا بخوف انتا مين محدش بيرد بقول انتا مين إيد بتخبط علي كتفها بسرعه تلف ماتلاقيش حد خيال واقف ورا الستاره تشدها بسرعه مالقتش حد صوت نفس عالي صوت فحيح زي الأفعي ملك قلبها بيدق جامد بتحاول تمسك أعصابها علي قد ماتقدر جت تجري تخرج من الأوضه باب الأوضه اتقفل بسرعه قبل ماتوصله حاولت تفتح مافتحش انتا مين مفيش رد

‏ملك:بقول انتا مين انتا جبان ومش عاوز تظهر قدامي ليه أنا قدامك أهو ومش خايفه منك صوت ضحكه عاليه بتهز الأوضه طيف بيلف حواليها بسرعه وبيشد هدومها يقطعها ملك بتصرخ انتا مين وعاوز ايييييه كفايه بقي كفايه وحطت ايدها علي ودنها وقعدت تبكي الطيف اللي بيلف حواليها وقف بس المره دي مش ملك الجان دي ست لابسه اسود عبايه سودا إيدها طالعه من العبايه ايد طويله جدا ورفيعه ضوافرها طويله اوي وسمرا شعرها أ**د وطويل نازل علي وشها

من النص مفتوح فتحه خفيفه مبينه عينها من تحتها واسعه جدااا ومدوره شكلها مرعب ومخيف فيها نار مش شعله مطفيه زي اللي تحت الأرض لا دي عينها بتنور وتطفي وقفت قدام ملك بعد ماكانت بتلف حواليها بسرعه جدا ملك من خضتها رجعت لورا اتخبطت ف باب أوضتها

أنتي مين

ههههههههههه أنا اللي هطلع روحك ف إيديا دول أنا اللي هنتقم منك ياإنسيه

ملك بلعت ريقها وبدأت تعرق أنتي عاوزه تموتيني ليه أنا أذيتك في إيه

الجنيه:إنتي مش أذيتيني بس انتي خدتي مني كل حاجه

خدتي مني اللي بقالي قرون ببني فيه تيجي حته إنسيه زيك تاخده مني

ملك:أنا مخدتش منك حاجه انتوا اللي مش سايبني ف حالي عاوزين مني إيه

الجنيه:كل ده ومعملتيش حاجه ملك الجان بنفسه جالك لحد عندك ورفضتيه حاول معاكي بكل الطرق انك توافقي عليه وتملكيه من نفسك ومرضتيش نزلك لقصره اللي مفيش إنسيه غيرك دخلته لا وعرض عليكي الجواز كمان وضحكت ضحكه شريره بصوت عالي وبعدين بصتلها مره واحده وتقوليلي عملتي ايه

ملك بدموع وهيا بترتجف من الخوف: أنا مستحيل اوافق علي حاجه زي دي انتوا جان واحنا بشر مستحيل يحصل توافق وبينا ومعاشره ربنا خلقكم من نار واحنا من طيب مستحيل يحصل اللي انتي بتقولي عليه ده

الجنيه: أنتي عارفه لو كنتي وافقتي عليه في حلمك وهو علي شكل بشر واديتيه اللي هو عاوزه كان سابك ف حالك وانا كمان سبتك ف حالك بس لأ انتي عملتي فيها الشريفه العفيفه ومنعتيه منك لما خلتيه حطك ف دماغه أكتر وطبعا معرفش ياخد حاجه منك برضاكي ومش هيرضي ياخدها غصب عنك

عارفه ليه عشان بيحبك أول مره واحده تتجرأ وترفض ملك الجان مفيش إنسيه قبل كده منعته من نفسها مفيش جنيه أتجرأت وقالت لأ كلهم بيتمنوا منه الرضا بس وأنا يسيبني ويختارك أنتي ليييييييه بغضب وتولع الستاره من وراها

ملك:أنا ماليش ذنب ف كل اللي قولتيه ومقدرش اعمل حاجه من اللي قولتي عليها ازاي أسلم نفس لجني ازاي أنا إنسيه ومسلمه و عالمنا ودينا مايسمحش بكده

اختفت الجنيه من قدامها والنار زادت في الأوضه من كل اتجاه وصوت ضحك عالي ملك صرخت لكن محدش سمع صريخها ضوافر بتخربشها ف ضهرها بيزقوها يوقعوها بتلف بسرعه ماتلاقيش حد رجلها اتشدت صرخت وقعت علي ضهرها لقت الست اللي كانت بتكلمها فوق في السقف ضهرها للسقف ووشها لملك

بتبصلها بصه كلها غضب وحقد مبتسمه نص ابتسامه خرج منها أنيابها خلاص هتنقض عليها صرخت ملك وحطت إيدها علي وشها خلاص النهايه

وفجأه تلاقي صوت صرخه جامده اتهزت ليها أركان الأوضه صرخه ألم حد بيتوجع جامد فتحت عينها براحه من ورا إيدها ملقتش الجنيه لكن شافت واقف قدامها خيال كبير أبيض عطيها ضهره قامت قعدت اتسندت ووقفت لقت الجنيه مرميه علي الأرض واللي واقف قدامها هو نفس الجني اللي خرجها من تحت الأرض بتحاول الجنيه تقوم بتبخ نار ف وش الجني الطيب لكن لحقها ووجه العصايا اللي ف ايده عليها زي كهربا خبطتها في الحيطه جامد

الجنيه بألم مش هسيبك ياملك مش هسيبك هرجعلك تاني وساعتها محدش هيقدر يحوشني عنك استعدي للموت وبصتلها بصه غضب وكراهيه واختفت.

ملك بتترعش من خوفها لسه مش قادره تتحكم في نفسها بتعيط وبتحاول علي قد ماتقدر تكون متماسكه قدام الجني التاني هيا مش عارفه هو عاوز منها إيه هو كمان

الجني الطيب:متخافيش أنا مش جاي أذيكي أنا جاي أنقذك لتاني مره منهم

ملك:مين دي وعاوزه مني اي

الجني الطيب:دي كانت المفروض هيا والملك هيتجوزوا لحد مانتي جيتي وخدتيه منها زي ماهيا معتقده

ملك:بس أنا مش عاوزه أتجوز حد هما بيعملوا فيا ليه كده هيا ممكن تقتلني فعلا

الجني الطيب:ممكن بس لو خدت الإذن

إذن إيه ومن مين

الجني الطيب:من ملك الجان وطبعا هو مستحيل يعمل كده

ملك :ياريت يقتلني ويرحمني من العذاب اللي انا فيه انا بقيت اخاف انام

الجني الطيب:إرفعي تحت سريرك هتلاقي سره ماتفتحيهاش جهزي نار فيها بخور وتحطيها فيها ومن غير أمك ماتعرف

ملك:سره اي وايه اللي جابها تحت سريري

الجني الطيب:دي سره كانت في الكيسه اللي كان بيحضر فيها الدجال جني عليكي

ملك:يعني اللي كان بيخبط في الكيسه ده وانا ماسكاها كان جن

الجني الطيب:أيوه كان بيتحضر من عليكي في الكيس ده وبعدين عطي السره دي لامك من وراكي تحطها تحت السرير ساعه ماروحتي وراه الأوضه تسمعي وسمعتي خبط و**ر كان هرب منه وبيحاول يحبسه في السره دي عشان مايهربش وقال لأمك من وراكي تحطهولك تحت سريرك ومانعرفكيش عشان اللي عليكي هيمنعوكي

وطبعا أمك وافقت وحطته من وراكي

طول ماالسره ده قي أوضتك هيقدروا يأذوكي ويتحكموا فيكي لو مكنتش جيت في الوقت المناسب ولحقتك كانت الجنيه هتأذيكي اكيد

ملك بصدمه:يعني ده دجال مش جني

إنسي وجني

ملك:نعم طب ازاي مش فاهمه أنا كنت بشوفه إنسي وجن شوفت نفس عنيكم ودانكم سنانكم وإيدكم

الجني الطيب:ده كان إنسان وكفر عشان شغل الدجل اللي بيعمله ده ومن كتر التحضيرات اللي حضرها في مره من المرات اتقلبت عليه لما حضر كذا واحد ومعرفش يصرفهم قبل الوقت المحدد وأذاهم لبسوه وحكموا عليه ان يفضلو بقيه عمره وهما ف جسمه ملازمينه مش هيسيبوه يا إما كده يا اما الموت

وطبعا اختار ان يبقي أسير للجن ومايموتش يعني اللي انتي شفتيه كان صح

ملك:طب والجرجير اللي اكلهوني

الجني الطيب:عادي اي دجال لازم بيعمل كده عشان تصدقيه وتتأكدي ان معمولك عمل وهو اللي بيحولك الجرجير لطينه

وان هو قادر يكشفه زي ماعمل كده في الجرجير

ملك:طب واي حكايه العمل والملح والورقه اللي لقتها

الجني الطيب:كذبه كل اللي بيروحله بيعملهاله علشان يقتنع بيه ويروحله تاني

ملك:طب وكان عاوز خاتم ليه من ريحتي

الجني الطيب:هو ده بقي االي انا جتلك عشانه

الخاتم ده يبقي.... يتبع

#ملك وآسر. ولجان العاشق

#ياسمين سامي

لو وصلت للجزء ده من الروايه فضلا وليس امرا أتمني تدعموني وتضغطوا علي القلب اللي موجود في بدايه القصه تخت الغلاف قبل الاجزاء هينور بلون أبيض كده تبقي عملت فولو للروايه عشان يوصلك اشعار بكل جديد

رايكم بيشجعني وبيخليني استمر دمتم بخير