الحلقه التالته

1333 Words

وبعد ماطلب الشيخ من أم ملك ربطه الجرجير وكيس كبير وملح خشن ام ملك للشيخ:جبتلك الحاجه اللي طلبتها أهي يارب يكون الشفا ع إيدك بس الحاجات دي بتاع إيه مش انتا شيخ بالقرأن يعني المفروض تعالجها بالقران وبس لازمته اي جرجير وملح وكلام من ده الشيخ:ها اه طبعا طبعا هنعالجها بالقران اومال انتي فاكره اي الحاجات دي بس لزوم الشغل ملك:شغل ايه الشيخ :دي حاجات الخدم هما اللي بيحتاجوها عشان اعرف اتواصل مع الخادم بتاعك ملك :خادم اي اللي تتواصل معاه أنا جايه اتعالج من اللي انا فيه ومن الاحلام والحاجات اللي بشوفها ولا جايه عشان تتواصل مع الخادم بتاعي وشغل الدجل بتاعك ده الشيخ بغضب :جرا اي يا ام ملك انتوا جايين تعلموني شغلي ولا اي انا مض*بتش حد علي ايده عشان يجي يتعالج عندي اذا كنتي عاوزه بنتك ترتاح ومعدتش تشوف حاجات وحشه اتفضلوا اقعدوا لما اخلص الكشوفات اللي عندي ام ملك:وماله ياخويا نقعد نستني حقك عليا انا متزعلش منها دي مش عارفه مصلحتها الشيخ:عشان خاطرك انتي ياست أم ملك بس لو ضايقتني تاتي بكلامها مش هشتغلها خالص وبص لملك وتروح تشوف شيخ علي مزاجها يعالجها وسابهم ودخل الاوضه يخلص بقيه الكشوفات اللي عنده ملك بدأت تقلق وخدت أمها علي جمب الشيخ ده مش مظبوط ده شكله دجال مستحيل يكون ده شيخ بالقران أمها:ليه بس بتقولي كده وبعدين خلينا وراه يمكن تخفي ع ايده وكوابيسك دي تروح ملك:ياماما دي مش كوابيس دي حقيقه افهميني بقي والراجل ده هو كمان مش بشر زينا امها:انتي بتقولي اي ياملك لا انتي مش طبيعيه خالص انتي كل الناس عندك مش بشر زينا ملك :انتي عرفتي الشيخ ده ازاي مين اللي قالك عليه امها:معرفش وأنا بنضف في أوضتك لقيت الكارت بتاعه اتصلت وسألت ع العنوان مكنش قدامي وقت ندور ع حد تاني ملك بإستغراب واي اللي جاب كارت ف اوضتي انا عمري ماكلمت شيوخ ولا روحتلهم أمها :معرفش بقي مش وقته خلينا فيكي الوقتي وفي الخيالات اللي بقت تجيلك وانتي صاحيه كمان مش بعيد تقوليلي انتي كمان مش أمي ملك:ماأنتي فعلا مش أمي أمها :نعم ملك:قصدي يوم ماقلتلك اني عاوزه الشيبسي والفول وقلتك انك جبتيهم وكلتيهم معايا ف أوضتي مصدقتنيش وقولتيلي ان بحلم وبيتهيألي بعد اللي حصلي امبارح اتأكدت ان مكنتش بحلم وان اللي كان معايا ف الاوضه مش انتي فعلا عشان كده مكنتيش بتردي عليا وأما لحيت عليكي في الكلام سيبتيني وخرجتي ام ملك :اي ياملك اللي بتقوليه ده انا مش بقتنع بكلامك ده ولا يمكن حد طبيعي يصدقه اصلا انا بس جيباكي بسبب أحلامك وكوابيسك اللي زادت عن الطبيعي لا والجديد جالك عفريته علي شكلي وقعدت معاكي في اوضتك واللي انا كنت معاها في الاوضه ونمت جمبها مكنتش انتي وكانت العفريته بتاعتك وانتي وقتها كنتي تحت الارض في قصر ملك الجان كل اللي بيحصلك ده بسبب روايات الجن وافلام الرعب اللي بتتف*جي عليها ملك:انتي مش مصدقاني لي أنا فعلا كنت تحت الأرض ساعه ماسيبتي الاوضه وروحتي تعمليلي الليمون ملك الجان رجعلي تاني وخدني تحت الارض و... أمها: خلاص ياملك مش وقته الكلام ده الوقتي سيبك من تخاريفك دي ملك:طب انتي بتقولي انك نمتي معايا وشربتيني الليمون صح الكوبايه اللي كانت ف الاوضه يعتبر اكتر من نصها مشروب وانتي عارفه اني أخري اخد بق بالعافيه الام بإستغراب:اه فعلا فلاش باك افتكرت لما دخلت عليها الاوضه ملقتهاش ندهت عليها مفيش رد وبعدين لقت ايد علي كتفها لفت بخضه وحطت ايدها علي قلبها لما لقتها ملك يخربيت شيطانك ياملك خضتيني عملتلك الليمون اهو اشربي عشان تهدي شويه وتعرفي تنامي من غير كوابيسك المزعجه دي ابتسمت ملك وخدت من ايدها الكوبايه وشربت نصها مره واحده ف ثانيه وناولتها ليها امها بإستغراب وانا اللي كنت مفكره ان هتحايل عليكي تشربي شويه ملك مردتش ودخلت علي السرير علي طول عشان تنام وادت ضهرها لأمها الام لملك انتي هتاخدي السرير علي قدك ولا اي ادخلي شويه اما انام جمبك ملك:ماما انا بكلمك روحتي فين الشيخ بيقاطعهم :يلا تعالو اتفضلو جه دوركم ف الكشف ملك مش عاوزه تدخل امها دخلتها غصب عنها أم ملك:أنا جبتلك الحاجه اللي طلبتها كلها أهي ع الله بس تخف وتريحني شويها من كوابيسها دي لأنها زادت عن الطبيعي الشيخ :ماتقلقيش هتخف وهتبقي زي الفل تعالي ياملك اقعدي قدامي ملك قعدت قدامه ع كرسي وهو كان ع كرسي ودار بينهم الحوار كالتالي الشيخ قربي مني وبصي ف عيني ملك:عين ايه اللي ابص فيها مش المفروض ان انتا شيخ يعني تقرأ عليا قرأن وبعدين انتا مقرب مني ليه كده الشيخ :بتوتر منا هقرأ قرأن أهو هو أنا قلت ان مش هقرأ ومقرب منك عشان اقدر اشوف شغلي كويس حط إيده ع دماغها وفضل يقرأ ف سره ويحرك ل**نه ملك:هو مش المفروض تقرأ بصوت عالي موطي صوتك ليه الشيخ:يووه دي مش طريقه أنا مش عارف أشوف شغلي ‏أم ملك:ماخلاص ياملك سيبي الشيخ يشوف شغله ‏الشيخ:بعد ماغسل الجرجير كلي ولو حسيتي بطعم حاجه غريبه ف بقك قولي ‏ ملك: وانا هاكل الجرجير ليه ودا اي علاقته بالتعب اللي عندي ‏الشيخ:ياريت متسأليش كتير كلي وانتي ساكته أم ‏ملك:اسمعي كلام الشيخ ياملك عشان يعرف اي اللي عندك ويعالجك منه كويس الشيخ بيبص لملك بصه غريبه عينه مركزه عليها وبتطلع شرار ملك بصتله بخوف واكلت من الجرجير ثواني وقالت مفيش اي طعم غريب جرجير عادي ‏الشيخ:بغضب كلي تاني وياريت متقرايش قران ف سرك ‏ملك: ليه يعني ‏الشيخ :من غير ليه ‏ملك كلت ومقرأتش حاجه تشوف هيحصل اي كل ده وهيا مش مطمنه للراجل ده ولا شكله يطمن ولا عنيه حاسه انها شافته قبل كده إيه ده إي اللي جاب طين ف بقي ‏الشيخ يبتسم بخبث ‏أمها طين إيه ملك خرجت اللي ف بقها ف طبق كان سايبه جمبها ده طين فعلا فين الجرجير مفيش أثر ليه ‏ملك بتتمضمض بميا وتنزل دم والدم بيزيد بيبصوا له ‏الشيخ ماتقلقوش هيا مكنتش مصدقه ولا مقتنعه بيا ‏عشان تبقي تسمع كلامي الدم والطين ده مش هيقفوا عشان بنتك تتحداني ‏لا أبوس إيدك احنا اسفين هيا مكنتش تقصد حاجه ‏ملك لسه بتخرج طين ودم من بقها مش فايقه ومش قادره تتكلم ‏أمها :انتا عملت فيها اي الدجال:انا ماعملتش بنتك معمول ليها عمل وانا هخلصها منه بنتك ملبوسه ومليانه جان وشياطين (طبعا عرفنا ليه ده دجال مش شيخ) ام ملك:هتخلص اي انتا كده هتخلص عليها ومين هيعملها عمل ولا هيفكر في اذيتها هيا عمرها ما أذت حد الدجال:لا ماتقلقيش هتبقي كويسه الوقتي مش هعرف أقولك علي اللي أذاها بس هو حد منكم وف وسطكم وقريب منكم جدا (كلام كل الدجالين طبعا) هاتي الكيس الكبير اللي جبتيه ناولته أم ملك الكيس قعد ينفخ فيه والكيس يتنفخ معاه بسهوله كأن بينفخ بالونه مع ان الكيس واسع لحد ماتنفخ وبقي كبير جدا كل مايكبر المكان بيتملي بريحه لا يمكن حد يطيقها قفل الكيس بسرعه بعد ماكبر جدا وقال لملك امسكي الكيس من فوق مهما حصل اوعي تسيبيه ممكن اللي فيه يخرج ملك وأمها بخوف :هو إيه اللي فيه اللي ع جسم بنتك أنا طلعته من عليها وحبسته ف الكيس وهعذبه لحد مايمشي من عليها ام ملك وملك حطو ايدهم علي أنفهم الريحه وحشه اووي لازم تستحملوا ولا مش عوزاها تخف بدأ الكيس يتحرك بقوه كأن جواه مش طفل لا شخص كبير وقوي بيرفص بعزم قوته عاوز يخرج من الكيس ملك صرخت ومسكت الكيس بكل قوتها من فوق زي مالدجال ممسكها خايفه يفلت ويخرج منه ويأذيهم كلهم ف نفس الوقت الدجال ده جاب عصايه غريبه وفضل يض*ب ف الكيس وهو ف ايد ملك واللي فيه يرفص اكتر وهو يزود الض*ب لحد ماسكت معدش حركه في الكيس خده من ايدها بحذر وبسرعه مسكه من نقس المكان اللي كانت مسكاه منه ملك وقفل عليه جامد وحاطه ف اوضه بعيده وقالهم أنا هرميه بعدين هاتي كيس الملح الخشن ناولته ملك وايدها لسه بتترعش من خوفها غرز فيه ورقه مكتوب عليها كلام غريب واسم ملك بعد ماقربها من بقه وقرأ عليها كلام غير مفهوم وحطهم في الملح وحطهم ع جنب هو حط ف كيس ملح واحد بس تعالي ياملك اقفي قدامي وبصي ف عيني وركزي إيدك جمبك وعينك ماتروحش من عيني حط إيده ع كتفها والإيد التانيه ع دماغها وفضل يبص ف عنيها ويتكلم ف سره بس في حاجه غريبه حصلت ملك شافت...... يتبع #ملك وآسر. والجان العاشق #ياسمين سامي لو وصلت للجزء ده من الروايه فضلا وليس امرا أتمني تدعموني وتضغطوا علي القلب اللي موجود في بدايه القصه تخت الغلاف قبل الاجزاء هينور بلون أبيض كده تبقي عملت فولو للروايه عشان يوصلك اشعار بكل جديد رايكم بيشجعني وبيخليني استمر دمتم بخير

Free reading for new users

Scan code to download app

App Store Google Play

Facebookexpand_more