ملك وآسر والجان العاشق

ملك والجان العاشق ماما عاوزه اكل شيبسي وفول سوداني دلوقتي دلوقتي ايه بس ياملك الدنيا ليل والجو متأخر بكره إن شاء الله ملك البنت الهاديه الجميله عندها 20سنه أكبر أخواتها عندها وولدين وأخت كمان طويله القامه بيضاء تحب كتابه الشعر والقصايد كثيرا وتكتبه منذ ان كانت عمرها خمس سنوات ملك تدرس في اخر سنه لها في الجامعه احبت معيدها آسر كثيرا وهو ايضا احبها ولكن تدخل صاحبتها ليلي اللي وقعت الدنيا بينهم عشان يخطبها هيا بس النصيب والقدر بيجمعهم ببعض تاني بيعرف المشاكل اللي بتمر بيها ومبيخافش بالع** بي**م يتجوزها ويحارب معاها لاخر نفس في عمره وتبدأ قصتهم الحقيقه من وقتها قصه المغامره والمخاطره بحياته ف سبيل انقاذها خلينا نشوف هيحصل اي نامت ملك وهيا محتاره وبتكلم نفسها مش عارفه ليه فجأه واحده حسيت ان عاوزه اكل الحاجات دي بالذات حاجه غريبه فعلا ياريت لو كان ينفع اخرج دلوقتي بس يلا خير نامت ومفيش دقايق ملك بتاكل شيبسي ازاي ده ده شيبسي فعلا يعني انا مش بحلم طب ازاي اي المكان الغريب ده انا فين ومين جابلي الشيبسي ده طعمه غريب والمكان اللي انا فيه اغرب انا شكلي بحلم ياماما ياماما انتي فين مابترديش ليه قومي ياملك فوقي في اي مش عارفه اي ده غريبه في فول سوداني ف بوقي مامتها اتبسمت وسكتت بتضحكي ع اي ياماما انتي مبتتكلميش ليه تبقي انتي اللي اكلتهوني وانا نايمه خرجت امها من الاوضه من غير ولا كلمه ملك استغربت جدا يمكن مش فايقه ولا حاجه الوقت متأخر برضوا وهيا بتاخد منوم غريبه اوي يلا امااكمل نومي صباح الخير ياماما صباح الخير ياحبيبتي جبتلك الحاجه اللي طلبتيها امبارح حاجه اي الفول والشيبسي تاني ده اي الرضا ده كله تاني اي اللي تاني مش انتي جبتيلي الحاجه دي بليل وجتيلي الاوضه وكلنا سوا وبعدين نمنا انا ياملك هههههههههه انتي أكيد كنتي بتحلمي لا ياماما بحلم اي انا فعلا كنت بحلم بس صحيت مفزوعه وندهت عليكي وجتيلي ها جيت عملت اي بقي دا شكله حلم طويل حلم اي ياماما انتي شكلك نسيتي انتي كنت بتأكليني وانا نايمه وأما صحيت وسالتك خرجتي بره الاوضه وبعدين لقيتك جيتي تاني ومعاكي الحاجه اللي طلبتها وكلنا سو ا ايوه فعلا انا بنسي كتير بس مش لدرجه ان اجبلك حاجه واكلها معاكي ومفتكرش واجبها منين اصلا ملك صح جبتيها منين الوقت كان متأخر وانا سألتك مردتيش عليا أنا معتش فهماكي ياملك انتي واحلامك دي بطلي تتف*جي ع افلام رعب عشان انتي هترعبيني انا قريب فيلم اي وحلم اي بقولك انا مكنتش بحلم انتي كتتي معا رن جرس الباب سرحت ملك اي اللي ماما بتقوله ده معقول يكون العلاج مأثر عليها وبقت تنسي ولا انا الافلام اللي بشوفها اثرت علننيا يلا مش مهم الكلام ده الوقتي اهم حاجه ان تاخدي الشيبسي والفول ده وتجري علي اوضتك عدل دخلت ملك ع سريرها وقبل ماتقعد شافت حاجه غريبه لقت مكان شيبس واقع فعلا اي ده يعني انا مكنتش بحلم ده حقيقي يعني انا كلامي صح بس مش عارفه شكله غريب ليه كده طب اوريه لماما ولا لا بلاش اكيد هيا بقت تنسي عشان ماتزعلش عدي اليوم زي اي يوم تنام تكتب شويه خواطر وابيات يرخموا هيا واخواتها ع بعض وجه وقت النوم ونامت ملك وتصحي ع ايد ا ف ضهرها من ورا بتحاول تصحيها ايد بتخبط خبط خفيف بس ف نفس الوقت بيوجع جدا اي يارنا في اي يعني مش عشان اختي الصغيره ومتدلعه بقي تيجي تقلقيني كل شويه الخبط مستمر ورنا مش بترد يوووه يارنا في ايييهه ايدك وجعتني اوي بتلف لاختها لقت حاجه موطيه عليها بتخبط ع ضهرها اما ملك لفت اتعدل وقف لقت شخص طويل طويل اوي واصل للسقف لابس اسود في اسود عبايه سودا ونقاب اسود مش باين اي ملامح حتي ايده متغطيه صرخت ملك صرخه صحت كل اللي في البيت لقت الخيال ابتدي يرجع لورا بضهرا مش بيمشي زي مايكون طاير لحد ماختفي في لحظه دخولهم من باب الاوضه في اي يبنتي بتصوتي لي عفريت عفريت كان بيصحيني كان كان اهدي بس خدي اشربي شويه ميا لا كان بيخبطني ف ضهري لا انتي اليومين دول مش طبيعيه هروح اعملك ليمون يهد*كي ماتسيبنيش لوحدي واقف هناك لو مشيتي هيظهر تاني اهدي ياملك مفيش حاجه هو انا وانتي بس اللي ف الاوضه دقيقه هعملك ليمون واجيلك يهد*كي شويه اول ماخرجت ام ملك من الأوضه فضلت ملك باصه ناحيه المكان اللي دخل منه الخيال اللي شافته ولسه مش مستوعبه ده حقيقه ولا حلم طب ياتري لو حقيقه ده مين ويبقي اي وعاوز مني اي ليه بيصحيني في نفس الوقت اللي ملك بتفكر فيه وهيا لسه باصه ف نفس الاتجاه حست بهوا سخن وخفيف جمب ودنها وع شعرها حطت ايدها ع وشها ورجعت شعرها لورا وهيا لسه متنحه مكان مالخيال خرج حست بنفس الهوا تاني وصوت نفس جمبها ملك بدأت تاخد بالها ان في حد فعلا معاها في الاوضه لا وع سريرها كمان وتقريبا نفسه هو اللي طالع ع وشها بلعت ريقها لما حست بحركه مش طبيعيه ع جسمها وصوت النفس بيعلي خلاص كده اتأكدت ان هيا مش بتحلم وان اللي شفته ده حقيقي لفت ملك وشها بسرعه ناحيه النفس ده وشافت نفس الراجل الطويل اللي كان بيصحيها وكله اسود ف اسود لابس اسود ووشه مطفي مش قادره تشوفه ولا باين له ملامح وقبل ماتصرخ كان حط ايده ع دماغها وخدها ونزل بيها تحت الارض فضلت نازله وحاسه انها ف دوامه مش شايفه الراجل اللي معاها حاجه وخداها وبتغور بيها لتحت لحد ماستقرت في القصر (قصر الجان) قصر فخم كبير جدا كله معمول من الدهب مش زي بيوت البشر لا ده السقف بتاعه تقريبا لايمكن بشر من الإنس العادي يوصله واسع جدا مش باينله بدايه من نهايه في كرسي زي كرسي الملك كبيرر جدا كله من الدهب والماس أنا فين وإيه المكان الغريب ده ولا ألف ليله وليله ناس طويله جدا شكلهم زي البشر عادي ولابسين لبسهم عادي ماشين بيتمشوا بيهزرو وبيضحكوا وبيشربوا ولا كأنهم شايفنها بس هيا شيفاهم حاولت تسمع طريقه كلامهم الصوت اللي بيتكلموا بيه مقدرتش تسمع هما بعيد عنها جدا هيا جمبهم مش حاجه هتسمع ازاي مش قادره تحدد لغه الكلام ولا فهمت من الصوت اللي واصل لعندها كأنه همس الناس دي ملمومه ع ايه ياتري في اي هناك ع سرير من دهب ع هيئه ترابيزه طول بعرض لقت واحده نايمه وف عالم تاني تقريبا مش واعيه باللي حواليها ماهي مش معقول تكون صاحيه وشايفه اشكال الناس اللي حواليها دي ومسلمه نفسها وساكته كده ياتري مين دي وبيعملوا فيها اي ‏ملمومين حواليها لدرجه ان ملك مقدرتش تشوف وشها بس حاسه انها قريبه منها حد تعرفه كويس ويعرفها ‏فضلت تقرب لحد ماشافت مين اللي نايم وكانت المفجأه ‏ملك أيوه ملك هيا اللي كانت نايمه وحواليها الناس الغريبه دي الصدمه كانت شديده بس مسكت نفسها خافت حد يشوفها او يسمع صوتها معقول طب ازاي انا واقفه اهو وصاحيه وواعيه اتنين مني ازاي طب لو واحده شبهي بيعملو فيها اي ولو أنا عاوزين مني إيه أنا لازم أعرف بس بحذر قربت ملك وهيا بتترعش وحاطه ايدها ع بوقها خايفه صوت نفسها العالي يسمعوه وتقع هيا أسيرتهم ‏بصت ف وشوش الناس اللي واقفين حوالين السرير اتصدمت من المنظر شكل وشهم ب*ع مش معقول يكونوا بشر لا دا اكيد جان بيضحكوا وماسكين كاسات وبيشربوا كل مايضحكوا تشوف سنانهم مش سنان لا أنياب طويله جدا وشهم وش بشر بس عنيهم مش طبيعيه عنيهم طويله وضيقه مرسوم فيها شعله نار ودانهم طويله ضوافرهم طويله جدا وسمرا شعرهم أحمر ملكت بدأت ترتعش اكتر مين دول وعاوزين مني إيه .. بعد ماقربت ملك ناحيه السرير عشان تشوف بيعملوا اي فيها وهيا نايمه لقيتهم بيتفقوا ع مين يختارلها اسم يبناسب جمالها ( ‏ الجان لبعض )أنا ليا حق ف جسمها أكتر منك لا أنا اللي لمستها اول بعد ما أذتني في الحمام وانا لمستها وقت ماكانت بتبص لنفسها في المرايه وبالذات وهيا من غير هدوم وأنا لمستها في الشارع الضلمه اللي مشت فيه وهيا عارفه ان مسكون ‏ملك لنفسها اي اللي انا عملته ف نفسي ده كل دول بيتخانقوا عليا دي قبيله بحالها يعني كل دول هيأذوني طب هبقي أسيرتهم إزاي يعني معتش هروح بيتنا تاني طب ماما زمانها قلقانه عليا وهنا قاطع تفكير ملك وخوفها صوت هز القصر كله زي صدا صوت في مكبر عالي جدااا صوت تخين وعالي ومرعب ماسمعتش زيه ف حياتها ‏أنا الملك ‏أنا (ملك الجان) أنا آسر الإنسان عندي له خياران يبقي أسيرا لي أو سيعيش ندمان ‏وهنا بدأ تجمع الناس اللي حوالين السرير اللي عليه ملك ينفض وبدا يظهر كرسي الملك وهو عليه وهنا كانت المفاجأه الملك صاحب اللبس الأ**د ملامحه لسه مش باينه وشه متخفي مش ظاهر بس حجمه بقي أصغر مناسب لحجم الكرسي جميع الموجودين انحنوا قدامه. ملك بخوف تملك منها وبدأت ترتعش من الخوف لما لقيته رفع وشه وبص ناحيتها ملك اترعبت هو شايفني بيبص اتجاهي ليه لاحظت ان الكل لف وشه وبقي عينه عليها وكلهم لاحظوا وجودها بصت ع السرير لقته فاضي. ‏الصدمه كانت صعبه عليها لدرجه ان وقعت ع الارض وفضلت ترتعش ونطقت اخيرا انتوا عاوزين مني اي سيبوني ف حالي أنا هأذيكم هقرأ قرأن وهحرقكم لو مبعدتوش عني لسه بيقربو عليها ولا كأنها قالت حاجه جيت تقرأ قرأن لقت ل**نها تقيل مش قادره تحركه مش عارفه تنطق أو تصوت حتي ومش لاقيه جواب من حد بيقربوا عليها وبس فجأه سمعت صوت( الملك) يهز المكان ‏ماتخافيش من حد لو سمعت كلامي ا وبقيتي معانا هنبقي كويسين وهبقي أخليكي تطلعي لأهلك شويه وتنزليلي تاني مش هتسمعي الكلام مش هسيبك بقيه عمرك مهما عملت ومهما حاولتي لو جبتيلي شيوخ الأرض كلها محدش هيقدر ياخدك مني ملك بصوت مخنوق وبترعش ياخدني منك ازاي هو انتا عاوز مني اي وجايبني هنا ليه ( ‏الملك) عاوزك ليا ملك :يعني اي عاوزني ليك هتعمل بيا إيه هتموتوني هتأذوني انا عملتلكم اي طيب ولا اعرفكم منين الملك:عاوزك ليا يعني عاوز اتجوزك واه هأذيكي لو مسمعتيش كلامي وبقيتي مسيحيه زيي لكن لو سمعتي الكلام هتبقي مرات الملك وكل اللي هنا دول تحت رجليكي هتعيشي عيشه أحسن من عيشه البشر بكتير هسيبك تفكري مع نفسك كده كده هتيجي هنا تاني ياريت تفكري كويس وماتتعبيش نفسك معانا عشان منأذيكيش او انا أذيكي مانتي هتبقي مرات الملك ومحدش له أذي عليكي طول منا موجود مش هتوافقي القبيله بحالها هتأذيكي ليل ونهار هيعذبوكي وفي الاخر مسيرك هترجعي ليا هنا ملك:مش هتأذيني ومش هتقدر الملك بغضب وصوت عالي بيهز المكان :ماتتحدنيش لسه ماتعرفيش أنا ممكن اعمل فيكي أنا معاكي ف كل لحظه وف كل نفس بتتنفسيه أنا عاشق ليكي ومش أي عشق دا عشق بجنون انا جان عاشق لكل حته فيكي وكل نفس بيخرج منك أنا بحبك يا إنسيه حب أبدي مش هيفني حتي بموتي اوموتك لان حياتك هتبقي مرتبطه بيا أنا وحدي وبسسسس ملك :عشق وحب ايه ماينفعش انتوا من عالم ومله واحنا من عالم ومله تانيه وازاي جن يتجوز انسيه أصلا الملك :انتي هتبقي معايا هنا في عالمي ملتنا هتبقي واحده هتغيري دينك للمسيحيه وهتبقي مراتي لاخر عمرك ملك :انا اكيد بحلم مش معقول يكون بجد ملك الجان عاوز يتجوزني انا "انا مش موافقه طبعا مستحيل هقبل بحاجه زي دي واخرجوا من حياتي سيبوني ف حالي وهنا اشتد غضب الملك وبدأ القصر يتهز والنور ينور ويطفي وصوت ضحك عالي ومستمر ملك اترعبت من المنظر والضحك وقررت أنها تهرب طلعت تجري ناحيه الباب بكل قوتها وع قد ماهيا شايفه المكان ضلمه ومرعب فضلت تجري لحد مالمحت باب للخروج فكرت انها اما تخرج منه هتلاقي شارع وبيوت وناس لكن لقت الع** لقت نفسها بتجري ف نفق ضلمه جدا مش شايفه منه حاجه الا العيون اللي بتبص عليها ومحاوطاها من الجانبين مش عارفه تقف هتروح فين هيا عرفت خلاص انها تحت الارض ف عالم الجان ياتري هتقدر تخرج منه وهتطلع تاني لارض البشر ولاهلها ولا لأ صوت غريب بيطلع بيرج المكان وهيا بتجري صوت ليه صدا عالي صوت ضحكه مخيفه والعيون بتظهر وتختفي حد بيشدها من رجليها تقع وتقوم تاني حد بيشد شعرها حد بيخربشها ع ضهرها ملك خلاص قطعت النفس معدتش قادره تجري اكتر من كده هنا استسلمت ووقعت ع الأرض وغمضت عنيها وفضلت تقرأ قرأن وتقول ياارب يارب خرجني من هنا وتقرأ وهيا لسه مغمضه عنيها وهنا بدأ الصوت يقل وهيا مكمله تقرأ وتعلي صوتها ع قد ماتقدر لحد مالقت الصوت اختفي فتحت عنيها لقت العيون هيا كمان اختفت شافت نور جاي عليها من بعيد زي مايكون نهايه النفق معقول معقول يكون ده النهاية وده النور اللي هطلع منه للارض وهنا ظهر قدامها علي نهايه النفق خيال ببروح ويجي بيبص عليها واما تبصله يبص قدامه ويمشي ببطء مش ماشي زينا طاير من ع الارض فضلت ملك تبصله وبتحاول ع قد ماتقدر انها تعرف تشوف شكله كان بيوضح ليها كل شويه لحد ماظهرلها من ع بعد وقف قدامها بس المره دي مطلعش ملك الجان لا ده راجل ع هيئه انسان لابس ابيض ف ابيض عبايه بيضا وشال ابيض ع شعره وشه زي وش البشر عادي دقنه طويله لعند ص*ره وبيضا جدا ماسك زي عصايه ف ايده بص لملك وإبتسم ملك بصتله وكلها أمل ان يقدر يخرجها من المكان ده ماهو شكل البشر عادي مش شكل الجان اللي شفته ملك:انتا مين وعاوز مني اي رد عليها أنا اللي هنقذك وهطلعك من المكان ده لو ساعدتيني وسمعتي الكلام ملك : أرجوك طلعني من هنا وأنا هعملك كل اللي انتا عايزه بس اخرج من هنا هو انتا بشر ولا جان ولا اي رد عليها الجني الطيب اخي ملك الجان عدو الإنسان للشر هو عنوان لكن يحب الجمال ملك :طب هو عاوز مني اي عدو الانسان ازاي وعاوز يتجوزني ملك الجان عاشقك من زمان وانتي السبب فاكره لما كنتي بتعذبي العرايس والدباديب وتقولي وروني انتوا فيكو عفاريت ازاي ولا هيعملو فيا اي فاكره لما كنتي بتجيبي القران وتحطيه عليهم وتقوليلهم وروني هتأذوني ازاي وبعد كده تلاقيه مرمي ع الارض وتقولي اكيد وقع مجاش ف بالك انك كنتي بتأذيهم وهما اللي كانوا بيرموه وهما أذوكي فعلا من عمايلك فيهم فاكره لما بقيتي تطلعي بليل ع السلم في الضلمه وتقولي مفيش كلام من ده انا مبخافش من حد وفاكره لما كنتي بتض*بي اي قط اسود تشوفيه وتقولي ده شيطان او عفريت وتأذيه فاكره لما أمك حذرتك من غناكي في الحمام وبليل وبصوت عالي قدام المرايه وانتي ماسمعتيش جه للملك منك شكاوي كتير واذوكي كتير في احلامك وانتي متراجعتيش بعتلك تحذيرات كتير وخيالات واحلام كنتي بتشوفيها وتقولي دا خيال افتكرت ملك لماكانت بتحلم بالعرايس اللي كانت بتأذيهم كانوا بيعذبوها ف حلمها زي ماكانت بتعذبهم في الحقيقه كانوا بيجولها علي شكل مامتها وقرايبها وهما بأذوها عشان تكرههم ويكرهوها ف عالم البشر افتكرت لما كانت بتبقي متكتفه مش عارفه تنطق ولا تصرخ ولاعارفه حتي تشيلهم عنها نايمه قدامهم علي السرير مش بتتحرك ولا عارفه تتحرك حتي بيعملوا معاها نفس اللي عملته معاهم بيأذوها زي ما أذيتهم كمل الجني كلامه وقتها قرر الملك يجي لحد عندك شافك وانتي نايمه شبه عارية وعجبتيه جالك ع هيئه بشر وحاول يتقرب منك واما قربتي من نفسه وشميتي ريحته الب*عه وفتح بقه وشفتي سنانه بعدتي عنه وجريتي في حاول يثير اعجابك باي طريقه منعتيه كان بيتحسس ع جسمك وانتي نايمه وتفكري نفسك بتحلمي واما يجي يقرب منك ترفضي اول مره حد يرفض الملك اول مره يعجب ببشر ويحب حد فيهم ويتوددله بكل الطرق ويرفض الوقتي خلاص معتش ينفع يرجع ف قراره هو حطك هدف قدامه ولازم هيوصله ملك:طب والحل اي الوقتي يعني خلاص معتش هينفع ارجع تاني ازاي جن هيتجوز بشريه ازاي انا عمري ماهوافق ع حاجه زي دي حتي لو موتني فيها أخ الملك: لو ساعدتيني اني اخرج من ارض النفي اللي انا فيهاهساعدك انك ترجعي ملك:ارض نفي اي مش انتا اخو الملك المفروض تكون معاه ف القصر انا مش فاهمه اي حاجه من كلامك انا اصلا مش عارفه انتا صادق ولا بتكذب انتا اخوه واكيد هتبقي زيه اي اللي هيخليك تساعد واحده بشريه وزي مابتقول اخوك عاوز يتجوزها هتساعدني وتعاديه يعني الجني الطيب:اه انا اخوه بس احنا أعداء او اكتر انا وهو ع** بعض هو بيحارب الخير وانا بحارب الشر ومساعدتي ليكي زي ماقلتلك هتكون مقابل انك تساعديني ملك: طيب أنا هساعدك ازاي أنا هد*كي فرصه ترجعي بس مش كتير هساعدك تتطلعي للارض تاني بس عشان تشوفي حد يساعدك او ينقذك بس اكيد ملك الجان هيرجعك تاني ملك :طب هرجع للأرض تاني ازاي اخ الملك : هتفضلي ف مكانك ده ماتتحركيش مهما شوفتي وسمعتي مع بدايه طلوع شمس الأرض هيظهرلك شعاع عند اخر النفق ده هيتفتحلك دايره كبيره دا باب خروجك للارض لمده معينه وهترجعي تاني لما يرجعك ملك الجان او يأمر حد من خدامه يرجعك اول مايفتح الباب تخرجي منه علي طول خلي بالك ده لو قفل قبل ماتخرجي منه مش هتعرفي تطلعي الارض تاني مفيش قدامك الا الفرصه دي عشان ترجعي تاني للأرض خلص كلامه واختفي من قدامها لما ظهر شعاع اونور فوقه وخرج منه بسرعه البرق اختفي الجني الطيب واختفي النور معاه الدنيا رجعت ضلمه تاني الاصوات بدأت ترجع تاني حطت ملك دماغها علي رجليها بعد ماضمتهم علي بعض وحاوطت نفسها بأيدها بتحاول علي قد ماتقدر تمسك نفسها وماتترعبش من الاصوات اللي سمعاها والحركه اللي جمبها كأن حد بيدور حواليها ايد بتتحط هلي ضهرها ملك بتخاف وتترعش وبتقرا قران صوت ضحك عالي بصوت انثوي شرير ملك علت صوتها اكتر بالقران قلبها بينبض وبيدق جامد كأنه هيخرج من مكانه ابتدت الاصوات تهدي والحركه اللي حواليها وقفت فضلت ملك مستنيه خايفه تغمض عنيها خايفه تنام من كتر التعب والباب يتفتح ومتحسش بيه وتبقي فرصتها الوحيده في النجاه ضاعت عليها موهومه من كل اللي حصل معاها ياربي انا عارفه ان أنا السبب وانا اللي عملت ف نفسي كده بس ساعدني ساعدني اخرج من هنا وارجع بيتي تاني وانا مش هكرر اللي عملته تاني مع طلوع شمس الدنيا اتفتح باب الخروج للارض مستني ملك تخرج منه بس ملك مخرجتش ملك نامت من كتر تعبها ياتري هتخرج ولا لا وهتخرج ازاي ..يتبع #ملك وآسر والجان العاشق #ياسمين سامي لو وصلت للجزء ده من الروايه فضلا وليس امرا أتمني تدعموني وتضغطوا علي القلب اللي موجود في بدايه القصه تخت الغلاف قبل الاجزاء هينور بلون أبيض كده تبقي عملت فولو للروايه عشان يوصلك اشعار بكل جديد رايكم بيشجعني وبيخليني استمر دمتم بخير