ملك وآسر والجان العاشق

الحلقه السادسه

ملك:طب والدجال كان عاوز مني الخاتم وم**م ليه

الجني الطيب:ماهو ده اللي أنا جتلك عشانه

الخاتم اللي ف إيدك دا مش خاتم عادي

ملك بصت ف ايدها بأستغراب مش خاتم عادي ازاي ده كان هديه من بابا الله يرحمه

الجني الطيب:الخاتم دا موكل عليه جان هما اللي بيتحكموا فيكي وبيقدروا يدخلولك من أي ناحيه وبأي طريقه هما اللي بيأذوكي في أحلامك هما اللي بيتهجموا عليكي وانتي نايمه وانتي صاحيه وهما اللي كانوا معاكي في الاوضه يوم مافكرتيها أمك وهما برضوا اللي كانوا موجودين مكانك وانتي تحت الأرض عشان كده أمك محستش بغيابك وقالت انك كنتي موجوده ومش مصدقاكي لحد دلوقتي

ملك:الخاتم ده بابا جايبهولي من وأنا صغيره هو صحيح كنت بشوف كوابيس وأحلام وحشه كتير بس متخيلتش ان ممكن يكون الخاتم هو السبب ومش لدرجه ان اشوف على الحقيقة الجن قدامي واكلمهم وانزل عالمهم كمان

الجني الطيب:كل شئ جايز وفي عالم الجان مفيش مستحيل

ملك:طب ودول جم ع الخاتم ازاي واشمعنا الخاتم ده

الجني الطيب:الخاتم ده كنتي بتلعبي بيه ف يوم انتي وصحابك

كنتي بتلبسيه لعرايس مسكونه نفس العرايس اللي كنتي بتأذيهم وتقوليلهم وروني هتأذوني ازاي كنتي بتحطيلهم القران عليهم وتقوليلهم مش انتوا مش عاوزين القران وبيعذبكم أنا هعذبكم

هما نفسهم اللي أذوكي ولسه

فاكره لما كنتي بتطلعي علي السلم بليل في الضلمه وتطلعي تغني وشوفتي قط أ**د عينه سارجه بتنورلك وعشان اتخضيتي منه مسكتيه من ديله ولفتيه لفتيه وخبطتيه في الحيطه خبطه جامده اهو ده اللي ساعد سكان العرايس اللعبه ان يسكنوا الخاتم

هو اللي جاب في بالك انك تقلعيه وتلبسيهم هو كان عامل حسابه ومقلعك الخاتم وانتي نايمه ومعزم عليه عشان ينتقم منك وعشان يدخلوا عليه بكل سهوله وبدل مانتي اللي تتحكمي فيهم هما اللي بيتحكموا فيكي

ملك بتصرخ حد خربشها جامد رفعت كمها لقت خمس صوابع مقطعين دراعها ف نفس اللخظه صرخت من دراعها التاني نفس العلامه اتعملت فيه الدم سايل من ايدها الاتنين اي ده إيه اللي بيحصلي ده

دول الجان الموكل علي الخاتم مدام عرفتي هيبدأو يأذوكي قدام أي حد هما كان سرهم مستخبي عنك كده انتي عرفتي هيحاربوكي

حاولت ملك تقلع الخاتم مستحيل ان يتقلع من إيدها حاولت ت**ره معرفتش وجرحت نفسها

الجني الطيب:مش هتقدري تقلعيه هتأذي نفسك وخلاص

أنا قولتلك الكلام ده مش عشان تخافي عشان تساعديني إنك تقلعيه مش هتقدري تقلعيه غير بمساعدتي

ملك:طب أساعدك ولا هتساعدني إزاي

الجني الطيب :الليله بعد الساعه 12 هيجو لحد عندك هيحاولو يتهجموا عليكي باي شكل وبأي طريقه طبعا هتفكري نفسك بتحلمي وممكن تطاوعيهم

ماهما مش هيجولك بشكلهم هيجولك علي شكل بشر تعرفيهم وبتحبيهم او علي شكل حبيبك وغيره وغيره مواقف من اللي هتخليكي تضعفي وتسلمي نفسك ليهم أوعي تستلمي ياملك أوعي تستلمي والا هتبقي النهايه

ملك:انتا رايح فين

الجني الطيب:الساعه هتدق 12وقتي خلص معاكي بس هتشوفيني تاني لو سمعتي كلامي اوعي تستلمي ياملك

‏ومن هنا اختفي الطيف اللي كان بيكلمها وهو بيردد نفس الكلمه

‏ملك اترعبت وجسمها اتتفض فتحت أوضتها وخرجت تجري ع أوضه امها بس وقفت عند بابها

ملك بحزن ودموع امي عمرها ماهتصدقني

اعمل إي بس يارب دلوقتي اروح فين ولا أعمل اي ف نفسي عشان محدش يقدر يقربلي

حد بيخبط ع كتفها من ورا صرخت ملك برعب

رنا اختها الصغيره مالك ياملك أنتي بتترعشي كده ليه وعرقانه انتي جسمك سخن جدا واي ده انتي ايدك متعوره ليه كده انا هصحي ماما بسرعه

ملك وهيا بتشدها من ايدها لا اوعي يارنا

اوعي تصحي ماما سيبيها نايمه

رنا:ازاي بس انتي مش شايفه نفسك عامله ازاي

رنا اخت ملك الصغيره عندها 18سنه قمحيه اللون متوسطه الطول شعرها طويل وناعم وعيونها عسلي بتحب ملك جدا ومتعلقه بيها من يوم موت أبوها بقت هيا اقرب حد ليها السنه دي رنا في تالته ثانوي ملك يعتبر اكتر حد وقف جمبها وبتدعمها وكمان بتذاكر ليها وتشجعها

ملك:معلهش انا هبقي كويسه الوقتي

رنا:طيب أنا هروح اجبلك مايه

ملك برعب لااا لا مش عاوزه حاجه أنا انا كويسه صدقيني

أنا بس كنت عاوزه

رنا:عاوزه إيه قولي

ملك:أنا هنام معاكي انهارده

رنا:غريبه كنت دايما بطلبها منك ترفضي وتقولي مبعرفش انام جمب حد

ملك:لا انا تعبانه ولازم انام جمب حد عشان لو احتجتك ولا حاجه تسمعيني وتصحيني

رنا:اسمعكواصحي ازاي وحاجه اي اللي هتحتاجيها انا مش فاهمه اي حاجه منك خالص

ملك:قصدي لو لقتيني وانا نايمه مش مرتاحه او بتكلم بتحرك كتير بعمل اي حاجه غريبه تصحيني

رنا:طيب ماشي تعالي بس نمسح الدم اللي ع إيدك ده وتغيري هدومك دي وبعدين ننام

راحت رنا تجيبلها مطهر وكوبايه مايه قعدت ملك مكانها وهيا مرعوبه بتبص ف كل ناحيه قامت فتحت الدولاب تطلع هدوم ليها حست بنفس من وراها حضنت ملك هدومها وهيا بتترعش وبلعت ريقها بصعوبه ولفت وشها بسرعه لقت اختها رنا اللي وراها

رنا:ههههههه هههههه مالك يبنتي انتي بقيتي بتخافي من خيالك كده ليه خدي اشربي واهدي واقعدي اما اطهرلك الجرح ده

رنا وهيا بتمسح الدم من علي ايدها غريبه ده مش جرح يعني مش متعوره من حاجه دي علامات ضوافر اللي علي ايدك وبصتلها بإستغراب مين اللي عمل فيكي كده ومالك بتصبي عرق وبتترعشي كده ليه وقامت من مكانها انا لازم اصحي ماما حالا

ملك:بدموع مسكتها لو سمحتي يارنا متقوليش لماما حاجه هتخدني تاني لدجال من اياهم وانا مش عاوزه اروح اماكن من دي تاني

رنا:طب انا عاوزه اعرف دلوقتي اي اللي بيحصل وماما بتاخدك الاماكن دي ليه

ملك:معرفش

رنا:يعني اي ماتعرفيش وحطت ايدها علي كتفها ملك انتي كويسه بقالك فتره تصرفاتك غريبه اووي وكمان العلامات اللي علي جسمك دي في حاجه حصلت وانتي مش عاوزه تقولي عليها صح

ملك نامت في حضن اختها وفضلت تبكي معرفش معرفش انا عاوزه انام وبس مش عاوزه اتكلم في اي حاجه دلوقتي

رنا:اهدي بس ياملك اهدي ياحبيبتي خلاص ماتتكلميش وانا مش هسالك علي حاجه الا اما تحكيلي انتي براحتك اهدي وتعالي ننام عشان ترتاحي شويه

نامت رنا وملك جمبها خايفه وببترعش خايفه عينها تنام يحصل حاجه مش قادره تقعد اكتر من كده نفسها تنام وترتاح الساعه عدت 12ومفيش حاجه حصلت الساعه بقت واحده بقت اتنين ملك نامت من كتر التفكير والتعب محستش بننفسها

بس في حاجه غريبه حصلت

ملك كانت نايمه كانها ف غيبوبه مش حاسه بالدنيا اللي حواليها كأن حد حط ايده ع جفنها قفله ونيمها بالعافيه

ماحلمتش بحاجه ماشافتش اي حاجه

بس بعد دقايق بدات ملك تفوق ودماغها تفوق خلاص صحت بس لسه عنيها مغمضه حست ان في حد جنبها غير اختها نفس غريب وسخن فتحت عنيها شافت أب*ع منظر ممكن تشوفه شافت أختها وهيا.... يتبع

#ملك وآسر والجان العاشق

#ياسمين سامي

لو وصلت للجزء ده من الروايه فضلا وليس امرا أتمني تدعموني وتضغطوا علي القلب اللي موجود في بدايه القصه تخت الغلاف قبل الاجزاء هينور بلون أبيض كده تبقي عملت فولو للروايه عشان يوصلك اشعار بكل جديد

رايكم بيشجعني وبيخليني استمر دمتم بخير