الحلقه السابعه

2515 Words

دريمي بعد مانامت ملك جمب أختها من غير ماتحس بدأت تفوق لسه مغمضه عنيها بس عقلها صاحي حست في نفس جمبها حد بيبص عليها في هوا سخن جمبها في حاجه غريبه فتحت عنيها بسرعه عشان تشوف اختها وهيا فاتحه عنيها بطريقه مش ممكن يتخيلها بشر وباصه علي ملك أختها نايمه ف سابع نوم ايدها الاتنين تحت خدها اللي نايمه عليه وشها قريب جدا من ملك وعنيها مفتوحه علي اخرهم ملك اتنفضت من مكانها ولسه هتنطق أختها ادتها قلم علي وشها خلي ملك من شده الألم أغمي عليها مع انها ف نفس الوقت ايدها تحت خدها ماتحركتش رنا اختها ضعيفه لسه وسنها وجسمها صغير لايمكن تدي قلم بالصعوبه دي ولا يمكن تقدر تفتح عنيها بالطريقه دي ولا أي بشر عنيها كانت مفتوحه جدا بتبص علي ملك ومركزه معاها (مش خيال ده حدث بالفعل ع الحقيقه) صدقت المقوله اللي بتقول لو صحيت من نومك العميق بدون أي سبب اعرف ان في مخلوق بيبص عليك ومركز معاك وعينه ف عينك دا نفس اللي حصل مع ملك كان مخلوق فعلا بيتف*ج عليها بس مش بشر لا دا جان هو اللي نايم جمبها كانت مفكره ان اختها هتحميها وهتمنعهم عنها ومش هيقدروا يعملوا حاجه وهيا جمبها بس لأ هما ممكن يأذوا أي حد بس يوصلوا للي عاوزينه منها ملك أغمي عليها من اللي شفته ومن شده القلم اللي نزل علي وشها ملك في حلم جميل كأنها ف خيال معقول أكون بحلم ‏بس لا دا آسر حبيبي اللي هناك ده اي اللي هيجبه هنا في حد بيشدني ‏ ملك دول الجان ملك بتصرخ بتبص عليه هو وبتصرخ وهما بياخدوها لبعيييييد بس هو المره دي مسبهاش زي ماسابها في الحقيقه سابها وراح لغيرها وهو عارف انها بتحبه بس المره دي جري عليها بيصرخ وبينادي عليها ملك مش مصدقه نفسها اخيراا شفت مره لهفته عليها اخيرا حبني وحس بيا معقول هيقدر عليهم بس أنا خايفه ليأذوه ملك هدومها بتتقطع بيتهجموا عليها جسمها بيبدأ يبان بيتقطع بضوافرهم ‏ملك خلاص فقدت الامل ان يقدر ينقذها منهم هيا مش فاكره الكلام اللي قاله ليها الجن الطيب لما كان عندها ( ‏إوعي تستسلمي) كل تفكيرها الوقتي في حبيبها اللي بيجري عشان ينقذها منهم هما بيقطعوا هدومها وجسمها بيتخربش معاهم وينزل دم وهيا مستسلمه مش بتقاوم أخيرا وصل لعندها قدر يحررها من إيدهم ملك متعرفش هو عمل فيهم إيه ولا كانت فايقه مركزه معاه هو وبس مفاقتش الا لما اتفتحت من جمبها حفره كبيره شبه البوابه اللي طلعت منها للأرض ونزل فيها كل الجان اللي كانوا بيتهجموا عليها واتقفلت بعدها خدت بالها هنا انهم واقفين في مكان مهجور زي قصر قديم مهجور مالوش سقف عمدان قديمه ومفيش مخلوق موجود حواليها بتاخد بالها من هدومها المقطعه بتحاول تغطي نفسها بحاجه تداري جسمها اللي اتكشف من هدومها الي اتقطعت بيجي الشخص اللي بتحبه ده يحاول يمسح الدم اللي نازل منها وياخدها ف حضنه بشده ملك مش مصدقه نفسها معقول خايف عليا انا ف حضنه بجد ملك ضعفت بين إيديه هيا قلبها وروحها فيه بيحاول يقرب منها ويتحسس بجسمها ملك مستسلمه استسلام تام ليه سايبه نفسها وكأن حضنه هو النجاه ليها راحت في عالم تاني خلاص كانت هتخلف بالوعد اللي وعدته للجني الطيب وهتسلم نفسها بس قبل مايحصل ويتمكن منها شافت نور جاي من بعيد واقف قصادها بس علي بعيد شويه بدأ يوضح دا الجني الطيب ملك بدات تفوق من الوهم اللي هيا فيه افتكرت. كلامه لما قالها ممكن يعملوا اي حاجه عشان يوقعوكي ويقدرو ياخدوا اللي عاوزينه منك معقول يكون دي كلها تمثيليه عشان استسلم واسيب نفسي انا ازاي كنت هبله كده يعني اللي أنا تايهه في حضنه ده مش حبيبي مش بشر دا جن طب هعمل إيه لازم أنقذ نفسي قبل فوات الأوان. بتحاول ملك تزقه لورا وهيا مش مبينه حاجه عشان تقدر تنقذ نفسها ساعتها شافت سنانه وهو بيقرب من وشها عشان.... ملك شافت أنيابه ومنظر سنانه الب*ع زقته جامد ابعد عني أنتا لايمكن تكون بشر انتا جني وقتها نظره الحنان اتحولت لنظره غضب والشر باين ف عنيه انيابه خرجت بره بوقه صرخ صرخه كبيره اتهز ليها المكان كله صرخه غضب زي حيوان كان خلاص هينقض علي الفريسه بتاعته وملحقش ياكلها ملك وقعت في الأرض من شده الصرخه والخوف حطت ايدها الاتنين علي ودنها وفضلت تصرخ وتبكي بخوف منه مسكها من دراعها الاتنين ووقفها قدامه نفسها ف نفسه الب*ع ملك زقته بكل قوتها بعيد عنها ساب ايدها وفضل يبصلها حاولت تجري وفضلت تجري وهو واقف قدامها يبص عليها ف **ت وهيا بتجري وتلف وشها تبص عليه بس ملقتوش اختفي بتلف قدامها تكمل جري لقته لازق فيها صرخت ملك انتا عاوز مني إي الجني:عاوزك انتي لو مسلمتنيش نفسك دلوقتي أنا هقتلك وكمل بغضب وصوت عالي خلاص كنت هاخد اللي انا عاوزه علي اخر لحظه تبعديني عنك لييييه أنا اعمل كل ده عشان إنسيه وترفضني في الاخر ملك وهيا بتترعش:انتا انتا مين. أنا ملك الجان وقتها اتحول للرجل الأ**د الطويل اللي مش باينله اي ملامح من كتر السواد وعملت كل ده عشانك بس المره دي محدش هيقدر يمنعني عنك ملك بتجري بتدور ع اي مكان تستخبي فيه مش لاقيه ملك الجان:هتروحي مني فين انتي خلاص بقيتي بتاعتي لو مسلمتيش نفسك برضاكي هيبقي غصب عنك بس ساعتها هعذبك هخليكي تتمني الموت ومش هتلاقيه هتبقي أسيره بقيه عمرك تحت الأرض وهتبقي خدامه ليا حاولت تهرب منه علي قد ماتقدر معرفتش ملك الجان:سلميلي نفسك وانا هريحك من كل اللي انتي فيه اخضغي لاوامري يا إما هتفضلي خدامه عندي بقيه عمرك مش هتطلعي الارض تاتي ولا هتشوفي اهلك ملك:مستحيل أعمل كده لو فيها موتي اقتلني أحسن وريحني من اللي بتعمله فيا ده ملك الجان:لا مش هقتلك عارفه ليه عشان انا بحبك عمري ماتخيلت اني احب إنسيه او قلبي يحن لحد وبالذات من البشر انا شرير وطبعي قاسي حتي أخويا اللي أقربلي منك انتقمت منه لما حاول يبعدني عنك اذيته وامرت بنفيه لارض منفي الجان وده طبعا بعد ماحكمت بسجنه ودوقته أنواع العذاب وبرضوا م**م يساعدك عقابه مستنيه وحسابه معايا بعدين بس انتي حسابك معايا دلوقتي وقبل مايكمل كلامه ظهرت الجنيه اللي كانت عاوزه تقتلها هجمت علي ملك بكل قوتها بس أنقذها الملك منها بسرعه البرق ووقف قدامها عشان يحميها انتي ازاي تخرجي من مكانك بدون إذني انتي كنتي عاوزه تأذي الإنسيه اللي قلبي اختارها وهعيش معاها بقيه عمري ملك بصرخه مستحييييل الجنيه هههههههه عاوز واحده مش عاوزاك من امتي ملك الجان بيتحايل علي حد من امتي وانتي اللي بتجري ورا واحده اذا كانت إنسيه ولا جنيه أنا اللي اتمنيتك مش هيا انا هبقي المطيعه ليك وعمري هفضل تحت رجليك اطلب مني اي طلب وانا هنفذهولك هعملك اي حاجه تأمرني بيها بس اتجوزني انا ومتجريش ورا البشريه اللي بتحاربك وعاوزه تخلص منك بأي طريقه (ملك الجان) :ههههههه وانا مبحبش السهل الرخيص اللي زيك كده وبص لملك انا بحب الصعب الممتنع والإنسيه أنا هعرف أخليها توافق عليا ازاي اذا كان برضاها ولا غصب عنها أما انتي بقي ياجنيه ف أنتي اتعديتي حدودك مع الإنسيه اللي عارفه اني ماحبتش غيرها اتهجمتي عليها في أوضتها وكنتي عاوزه تخلصي منها والوقتي اتهجمتي عليها وكنتي هتأذيها وأنا موجود كمان للدرجه دي مش خايفه مني ومش همك الا نفسك واني اتجوزك انتي اتعديتي حدودك معايا ومع الإنسيه ولازم تتعاقبي بس قبل ما أعاقبك هتعتذري للإنسيه الأول استغلت ملك الفرصه انهم بيتخانقوا سوا ومشت براحه من غير ماتعمل صوت حاولت تدور علي اي مكان تستخبي فيه او مكان تروحله مفيش المكان اللي هيا فيه مالوش اول من اخر فقدت الامل واستخبت ورا عمود في القصر المهجور ملك الجان لف وشه يبص علي ملك لما حس انها مش موجوده وراه وشافها وهيا بتستخبي ورا عمود من اعمده القصر المهجور ابتسم بخبث وعجبه تفكيرها وهروبها منه هتروحي مني فين يا إنسيه لو روحتي لاخر العالم هجيبك انتبه لكلام الجنيه اللي كانت واقفه وراه بعد مالف وشه لملك الجنيه :بضحكه شريره هههههههههه وبصتله بغضب اعتذر لإنسيه عشان ايه عشان هتاخدك مني وهتاخد العرش اللي انا احق بيه منها انتا وعدتني هتتجوزني أنا ودا عهد بينا وف عالمنا اللي بيخلف بالعهد لازم يتعاقب يعني انتا أحق بالعقاب ده مش انا وقبل ماتعاقبني لازم تعاقب نفسك انتا كمان عشان خلفت بوعدك معايا ملك الجان اشتد غضبه من كلامها ولع حواليها نار وهو عاطيها ضهره لسه وكمل كلامه من غير مايلتفت ليها حتي دي انا اللي قررها مش انتي وبسرعه البرق لف وشه ليها ومد ايده اللي كانت متغطيه مش باينه لسه ولفها حوالين رقبتها وضغط جامد لحد مال**نها طلع بره انا مش هموتك انتي عارفه ليه هسيبك عايشه تتعذبي تموتي بنارك اللي هتفضل تحرق فيكي كل ماتشوفيني مع ملك انتي فعلا هتبقي خدامه بس مش ليا انا بس هتفضلي خدامه ليا ولملك قصدي لمراتي وبص ناحيه ملك اللي كانت لسه واقفه ورا العمود ومغمضه عنيها وبتقرا قران وبتبكي ساب الجنيه من إيده طارت مسافه واترمت علي الأرض كأنه نساها اول مابص لملك وشاف عنيها وهيا بتعيط وبتترعش خايفه منه متخافيش تعالي ‘تعالي معايا أنا مش هأذيكي انا هخليكي الملكه بتاعت قلبي وعرشي انتي اللي هتنهي وتأمري انتي اللي.... وقبل مايكمل كلامه ملك قاطعته بحته صخره رمتها عليه بكل حقد منها ليه بسرعه تفاداها قبل ماتلمسه اشتد غضبه والنار ولعت في المكان كله بصوت خشن وغاضب انتي الظاهر كده لسه متعرفيش انا أقدر اعمل فيكي اي واما حد بيرفضلي طلب بيحصله إيه مابالك لو رفضني أنا شخصيا انتي لازم تندمي على اللي عملتيه واللي بتعمليه لسه ومش خايفه مني ومن غضبي انا ه... بدأت النار تختفي صورته تظهر وتروح سكت معدش بيتكلم بيمد إيده عاوز ياخدها معاه ملك بخوف بترجع لورا وهيا بتبص عليه بتخبط ف عمود وراها بتقع علي الأرض ملك حطت ايدها علي ودنها وغمضت عنيها لما صرخ الجني بكل قوته ومد ايده عليها ولسه هيمسكها ملحقش ملك فوقي اصحي ياملك ملك بتفتح عنيها ببطء أنا فين أنا مش هتجوزه أنا لازم أخرج من هنا ام ملك تخرجي منين ياحبيبتي انتي معانا اهو ملك فوقي بتقومها تشربها ملك بتبص علي أختها اللي واقفه جمب امها أنتي مين أنتي لايمكن تكوني رنا أختي انتي حد تاني رنا قعدت جمبها بتهديها اهدي ياملك اومال هكون مين يعني أنا اختك حبيبتك بعدتها ملك عنها وهيا بترعش وبتصب عرق:ابعدي عني اوعي تقربيلي تاني انتي مستحيل تكوني اختي انتي اكيد متفقه معاهم عليا رنا:بتبص لأمها بإستغراب امها غمزتلها وبصوت واطي معلهش يارنا هيا شكلها كانت بتحلم بكوابيس من اياها متخديش علي كلامها ‏رنا:بصت لملك وابتسمت وحطت ايدها ف وسطها ده جزائي ياست ملك ان نيمتك معايا علي العموم كتر خيرك شكلك تعبانه لسه انا هروح اصلي ع ماتهدي شويه ملك:تصلي تصلي إيه ام ملك :الفجر ياحبيبتي اهدي كده وروقي عشان نصلي سوا ملك هنا عرفت إيه اللي بيحصل واي السبب اللي خلي ملك الجان يختفي قبل مايأذيها. الفجر أذن يعني خلاص ممنوع الظهور علي وجه الارض ممنوع الأذيه مايقدرش يكمل والادان شغال دا يتحرق ملك اتن*دت تنهيده مرتاحه الحمد لله يارب ان أنقذتني منه قامت ملك تاخد دش حاسه بوجع رهيب ف جسمها كله بتدور علي العلامات اللي الجان عملها ف جسمها وهما بيتهجموا عليها مالقتهاش بس مكانها بيوجعها جامد ‏بس استغربت لما لقت علامه غريبه جدا ف جسمها معموله علي بطنها من تحت علامه الا** كبيره اللي هيا علامه الغلط ع** الصح معموله بضوافر ومتخربشه ومكانها بينزل دم علي خفيف اي العلامه دي ومعناها اي واشمعنا هيا اللي موجوده مختفتش دي حتي وجعاني جدا خرجت ملك من الحمام وهيا مستغربه جدا وبتكلم نفسها أنا فاكره ان مكانش في علامات في المكان ده ولاحد قربلي من هنا دي كأنها لسه معموله قريب ام ملك:انتي بتكلمي نفسك ولا اي تعالي يلا عشان تصلي وتنامي ملك :انام لا لا مش عاوزه انام الام :مالك بس ياملك ريحيني يبنتي حتي النوم بقيتي تخافي منه طب اي رايك بقي انك هتنامي ف حضني انهارده ملك اترمت ف حضنها ياريت ياماما بجد انا تعبانه اووي ونفسي ارتاح الام:ربنا يريح بالك يبنتي ويبعد عنك شياطين الإنس والجان بعد ساعتين تقريبا فتحت ام ملك عيونها ملقتش ملك جمبها اتعدلت ف سريرها غريبه هتكون راحت فين قامت تدور عليها ملك ياملك ملك في اوضتها انا هنا ياماما الام :صباح الخير يا حبيبتي برضوا معرفتيش تنامي ملك وهيا بتجهز شنطتها مجاليش نوم ياماما انتي عارفه اني لو غيرت مكاني مش بعرف انام الام :كده برضوا طيب انتي راحه فين دلوقتي ملك:راحه الكليه مش كفايه غياب كده ولا اي ده انا فاتني حاجات كتير اوووي الام بقلق:بس انتي لسه تعبانه ياملك وشكلك مرهقه خالص ملك :ماتقلقيش ياماما انا كويسه ادعيلي انتي بس ومتشيليش هم حاجه سيبيها علي ربنا وباست دماغها ومشت ونعم المولي يبنتي طيب مش هتفطري ملك:ده كلام برضوا هفطر مع ساره انتي عوزاه تفطرني تاني ولا اي ضحكت الام علي كلامها ربنا يسعدك يبنتي ويروق بالك ويحميكي من كل شر وسوء رنا بنوم لامها خير ياماما صاحيه ليه كنتي بتكلمي مين بدري كدا الام :دي ملك اختك كانت نازله الكليه بتاعتها ربنا يوفقها يارب رنا بأستغراب هيا منامتش برضوا كان لازم الكليه وهيا تعبانه كده الام :سيبيها تخرج وتغير جو مع اصحابها يمكن ترتاح شويه ونفسيتها ترتاح رنا:ماما هيا ملك مالها بقالها فتره مش مظبطه بتعمل حاجات غريبه وبيحصلها حاجات اغرب الام: رنا ماتتكلميش انتي في الحاجات دي وفوقي لمذاكرتك رنا:يوووه ياماما مذاكره مذاكره ملك اختي برضوا وانا قلقانه عليها وبعدين انا مبقتش صغيره وفاهمه كل حاجه الام:وهو اي بقي اللي انتي فهماه ياست رنا رنا:ان ملك اختي ملموسه من جني وهو اللي بيعمل فيها كده الام بغضب:رنا ماتقوليش علي اختك كده اختك كويسه مفيهاش حاجه هيا بس متأثره شويه بالروايات اللي بتقرأها رنا:والروايات هيا برضوا اللي قطعتلها هدومها امبارح وكانت مخربشاها بضوافرها ف دراعها الأم بصدمه:اي اللي انتي بتقوليه ده حصل امتي الكلام ده وازاي ماتقوليش حاجه زي دي رنا:بليل وانتي نايمه كنت قايمه اشرب لقيت ملك واقفه قدام اوضتك وبتعيط زي ماتكون خايفه تدخل عندك كانت بتترعش وهدومها مقطعها والدم سايل علي ايدها كنت هصحيكي بس ملك مارضتش وقالت انك مش هتصدقيها وهتوديها لدجالين تانين الام بصدمه قعدت مكانها ياحبيبتي يبنتي بعد ساعه ملك كانت قاعده ف كافتيريا الجامعه سرحانه في اللي حصلها ومش عارفه تعمل اي ساره صديقتها:الله الله بقي الست ملك جت اخيرا الكليه ومهانش عليها تعرفني انها جايه ملك بصتلها بحزن اهلا ياساره معلهش انا كنت تعبانه شويه ونسيت اكلمك حطت ساره شنطتها وقعدت قصادها مالك ياملك مش مظبطه ليه وكمان شكلك متغير وتحت عنيكي اسود انتي مش بتنامي ولا اي ملك قعدت تبكي بحرقه علي حالها انا تعبانه اوي ياساره تعبانه اوي ساره بقلق وخوف علي صاحبتها اهدي بس ياملك عشان افهم في اي ملك :ساره انا عاوزاكي توديني عند شيخ كويس بس يكون بيعالج بالقران ساره بإستغراب :شيخ ليكي انتي ملك بصت حواليها ووطت صوتها ايوه ليا ساره :طيب وانتي عاوزاه ليه انتي تعبانه ولا حاجه ملك: هكون عاوزه اتعرف عليه أيوه ياساره تعبانه ومبنامش الليل من اللي بيحصلي ومن اللي بشوفه ساره :قربت منها ووبصوت واطي بتشوفي ايه ملك:يووه ياساره مش وقته اما تيجي معايا للشيخ هتعرفي كل حاجه ساره بتفكير:امممم شيخ شيخ ايوه صح افتكرت في شيخ اسمع عنه انه كويس اوي ملك:تسمعي بقولك تكوني واثقه منه ساره:استني بس ده شيخ ثقه والله والبت مني صحبتنا كانت بتشكر فيه اوي كانت اختها تعبانه وعالجها من الكوابيس اللي بتشوفها وكان بيحصلها حاجات غريبه ولفوا عند شيوخ الدنيا ومحدش عالجها الا الشيخ ده ملك:انتي متأكده من كلامك ده ساره :وهنروح بعيد ليه ادي االموبايل وادي رقم مني واحنا هنعرف منها كل حاجه ملك بخوف:اوعي تقوليلها ان انا اللي عوزاه والا الكليه كلها هتعرف زي ماعرفنا علي اختها كده ساره:عيب عليكي صاحبتك بتلمحها وهيا طايره ملك :ربنا يستر قطع كلامهم اسر لما وقف قدامهم فجاه هو وليلي خطيبته وصاحبه ملك القديمه اللي وقعت بينها وبين اسر عشان يخطبها هيا آسر بيبص لملك بلهفه وشوق ملك بصدمه وقفت اسر يتبع #ملك واسر والجان العاشق #ياسمين سامي لو وصلت للجزء ده من الروايه فضلا وليس امرا أتمني تدعموني وتضغطوا علي القلب اللي موجود في بدايه القصه تخت الغلاف قبل الاجزاء هينور بلون أبيض كده تبقي عملت فولو للروايه عشان يوصلك اشعار بكل جديد رايكم بيشجعني وبيخليني استمر دمتم بخير

Free reading for new users

Scan code to download app

App Store Google Play

Facebookexpand_more