CHAPTER 12
1836 Words
Teng pov
“Analyn?”
Si Analyn nga.
Kahit malayo pa siya akin. Kaya ko siyang kilalanin. Kahit pa isama siya sa battalion na mga tao. Kaya ko siyang makita. Kaya ko siyang mahanap.
Sumikip ang dibdib ko. Umahon ang galit sa loob nito. Humigpit ang hawak ko sa manibela na tila ba roon ko iyon ibinuhos ang galit sa ex-girlfriend ko.
Tang-na! Naka move-on na ako. Alam ko, nakalimutan ko na siya at galit na lamang ang natitira sa dibdib ko kaya dumilim ang mukha ko sa muling pagkakita sa kaniya.
Mapait akong napangiti. Ex na lang, Teng Oo, ex-girlfriend na lang. Ikakasal na ako. Hindi na dapat nagpakita ang dati kong kasintahan dahil nanumbalik muli ang galit ko sa kanya dahil mas pinili niya ang Nanay niya.
Of course Nanay niya iyon. Kahit nga naman sinong anak. Kahit ako gagawin ko rin iyon ngunit…
May paraan naman. Kung hiningi niya ang tulong ko. Gagawa ako ng paraan. Subalit mas pinili niyang sarilinin iyon, na para bang hindi niya ako minahal. Na para bang wala siyang tiwala sa akin. Na para bang hindi ko siya kayang tulungan.
Na…animo hindi ko siya kayang ilaban dahil mahirap lamang ako. Mahirap ang kinagisnan kong magulang.
Anong ginagawa ng babaeng 'to rito sa kumpanya ni Manuel? Ibig sabihin ba nito naga-apply siya ng trabaho.
Alam ko gusto nito maging teacher?
Anong nangyari sa pangarap niyang iyon? Huling taon na niya sa college noong nagkahiwalay kami. Ibig bang sabihin nito hindi niya iyon tinapos?
Kumunot ang noo ko, nang makipag biruan si Analyn sa guwardiya. Tsk! Sayang-saya huh? Kung sino-sino na lang lalaki. Nagtagis ang bagang ko sa inis.
Sa galit ko, pinaharurot ko ang kotse ko para akong lumipad sa harapan niya at hindi rin naman pala ako nakita dahil busy sa phone niya. Sino naman kaya ang ka-text mag-isa ngumingiti.
Gigil ko siyang binusinahan sa sobrang inis ko fvcking s**t nasa kalsada nakuha pang mag cellphone tss.
Bakit concern ka ba Teng? Of course not! Hindi lang tama ang ginagawa ng ex-girlfriend ko. Paano kung maaksidente? At dito pa sa tapat ng building ni Manuel mangyari. Syempre kasiraan iyon ng kumpanya ni Manuel. Iyon ang inaalala ko.
Nagitla pa ito dahil bumaba rin ako sa kotse ko. Pinaseryoso ko ang aking mukha. Tinawag niya ako ngunit para siyang hangin sa aking paningin dere-diretso ako sa guwardiya.
Marahil nagtaka si Analyn ng tawagin akong Sir ‘Noah’ ni Omeng. Ngunit wala akong pakialam kung anong isipin niya. Hindi na rin naman mahalaga malaman niyang sino ako. Baka magka interest pa ang Nanay niyang mukhang pera kapag nalaman kung sino ako.
Pagkatapos kong makipagusap kay Omeng. Nagawa ko pa sundan si Analyn. Gusto ko lang ipamukha sa kanya may girlfriend na ako.
Pero hindi apektado sa aking sinabi. Well, maganda at least naka move-on na siya dahil ganun din naman ako. Nakalimutan ko na siya.
Masyado nga talaga pinagtatagpo ang landas naming dalawa. Huling araw ni Sandee, sa kumpanya ni Manuel. Nakita ko ulit siya.
Mayroon lang akong napansin sa dati kong nobya. Dati ay payat ‘to. Although ngayon hindi naman siya mataba. Mayroon lang akong nakitang pagbabago sa dating hubog ng katawan niya. Ewan ko, baka rin dahil mahigit isang taon ko siyang hindi nasilayan, kaya tingin ko ay nagkalaman si Analyn. Sa madaling salita. Sa paningin ko ay naging sexy pa siya kaysa noon.
Dammit! Mayroon na akong fiancee, bakit nasabi ko pa ang bagay na iyon. Ang gago ko lang, gago ko dapat si Sandee ang sexy. Si Sandee ang maganda. Bakit ngayon may duda na ako sa aking mata.
Kailangan ko na 'ata magpatingin sa ophthalmologist. Malabo na yata ang aking mata kung ano-ano na ang aking nakikita.
Gusto kong tanggihan si Sandee ng makiusap na puntahan namin si Analyn sa Parklea raw. Sa terminal ng mga jeep. Ewan ko nga nautusan ako nito, dati naman hindi ako nito napapasunod. Ngunit hindi naman ako yung tipo na masamang boyfriend. Hindi lang talaga ako sweet at madalas tumatanggi kay Sandee sa mga kapritso nito.
Napatanong pa ako sa isip ko anong gagawin doon ni Analyn. Iyon pala nasagot ng sabihin ni Sandee sa Pasig na raw nakatira ang dating kasintahan.
Nasa isip ko naman baka nga lumipat ang pamilya nito. Wala naman kasi makasundo na kapitbahay ang Nanay nito. Kaya madalas may kaaway roon sa dati kong kinalakihan lugar dahil matapobre ang may-edad na babae.
“Ihahatid?” tanong ko pa kay Sandee ng sabihin niya idadaan namin si Analyn.
Mukhang magkaibigan ang dalawa ngunit wala akong panahon na alamin pa.
“Sige na. Isang way lang naman kasi Cainta ako right?” sabi pa ni Sandee sa akin.
Tumango ako natuwa ito niyakap pa ako sa leeg ko napa tikhim ako, kaya umalis siya sa pagka kayakap sa akin.
“Sorry,” wika nito ngunit hindi ako umikik.
Pagdating namin sa Parklea, nainis pa ako kasi ayaw pa ni Analyn sumama mapilit lang si Sandee. Ako ang nababanas dahil nag-cause pa ng traffic pakipot pa si Analyn.
Kaya nagparinig ako sa labis kong pagkainip. Kahit ng binagtas na namin patungo sa Cainta, panay parinig ko subalit nakakainit ng ulo parang hindi apektado sa parungit ko sa kaniya.
“Sa SM ako Sandee,” sabi nito. Kumunot ang noo ko sinilip sa rearview mirror.
Kilala ko ito simula pa niligawan ko siya, kaya hindi ito makapag tatago ng secret. Nag-iwas ng tingin ng sabihin sa SM. So magtatago nga huh.
Na challenge ako. Kaya naman pinag-taxi ko si Sandee, pauwi sa condo niya. Isa sa nagustuhan ko sa fiancee ko mabait. Hindi talaga kumontra sa mga gusto ko. Isang sabi ko lang mabilis pa sa alas-kwatro papayag ‘to.
Pinainit nga lang ni Analyn ang ulo dahil nga nag-antay ako na siya ay matapos sa Hypermarket, dammit nilayasan ako. Kaya akala niya hindi ko siya masusundan nagkakamali siya. Ako pa na sanay maging driver kaya ko siyang sundan kung saan man siya ngayon nakatira.
Nagduda kasi ako na sa SM siya pupunta. Tama ang hula ko gusto lang niya akong iligaw. Ang kutob ko sa Rosario nga siya uuwi. Doon ako nag tungo. Halos ten minutes lang ang pagitan ng dumating siya nakatambay naman ako inaabangan siya.
Ngunit para saan ba ang pagsunod-sunod ko sa kanya? Pagdating sa tirahan niya nagulat ako sa lumabas galing bibig ko.
“Mag-usap tayo!”
Iyon ang sabi ko sa kaniya dammit hindi dapat.
Hindi iyon ang sadya ko. Gusto ko lang alamin kung saan nga siya nakatira. Pero para saan kung gano'n bakit ko inaaalam.
Wrong timing naman si Lolo. Tinawagan ako. Dapat makakausap ko na si Analyn. Nasabi ko na kahit hindi si Sandee ang tumawag, iyon ang sabi ko sa kaniya ngunit wala akong nakita sa mata nito na nasaktan sa nalaman.
Pinauuwi ako ni Lolo. Ewan ko kung anong kailangan sa akin sinunod ko na lang para hindi ako masermunan nito.
Iniwan ko si Analyn ngunit plano ko bago umalis bumalik kinabukasan at ginawa ko nga.
Tang-na bakit iba ang pakiramdam ko pagkakita sa baby. Kung hindi ako nagkakamali ‘Alex’ ang pangalan ng baby.
Gustong-gusto ko pakinggan ang binibigkas nitong Papa. Ang gaan ng pakiramdam ko, kapag nakatitig ako sa baby. Kung nagkaanak kami ni Analyn. Same age kay baby Alex.
Kaya lang parang dinaganan ng bato ang dibdib ko ng anak pala ng kaibigan niya. Tumutol ang puso ko sa sinabi ng kaibigan niya, ngunit wala naman akong proof na nagkaanak kami.
Dammit bakit uminit ang ulo ko pagkarinig na meron ng Aki. Sino naman kaya ang lalaking 'yon. Tang-na, boyfriend niya kaya iyon.
Nasagot ang tanong ko ng sinundo siya sa bahay ng kaibigan n'yang si Mutya. Masakit sa mata at tainga ang tawanan nila kahit sa kalsada naghaharutan. Sa galit ko, gusto ko ng sagasaan ang lalaki nito nakapagpigil pa ako pinaharurot na lang ang kotse.
“Dude!”
Malakas na halakhak ni Ding kaya napakurap ako.
“Saan nakarating ang isip mo ha? H'wag mong sabihin dedma ka ulit ni Analyn. Kasi ikaw dude ayaw makinig sa ‘kin. Diba nga noon, sabi ko naman sa ‘yo. Itanan mo Or kidnapin, habang wala pang nabuo plano ang Nanay ni Analyn. Ang kupad mo kasi kumilos. Sinabi mo na nga na ikakasal na pero akala mo naman ikaw ang pipiliin,” aliw na aliw ang kaibigan kong si Ding na buskahin ako.
“Tarantado, wala na akong pakialam sa babaeng 'yon kung inaakala mong hahabol ako ngayon,” laban ko pa sa kaniya.
Bumunghalit ng tawa si Ding sa aking sinabi. Animal gusto kong suntukin nakaka gago. Sobrang mapang-asar ang tawa nito.
“Bahala ka, sabi mo nga may Aki. Tsk, palagi ka na lang naaagawan—”
“Asshole!” pabiro kong sinuntok sa balikat at sakto lumabas ang asawa nitong si Josephine. Galing sa dining area nila at kasama ang dalawa nitong anak na lalaki. Si Xion at Hudson.
“Ninong Teng!” pagkakita sa akin bumitiw sa kamay ni Josephine, 'tsaka tumakbo ang dalawa patungo sa akin. Napangiti ako nang pagitnaan nila akong magkapatid sa upuan.
Kay bilis ng panahon malaki na mga anak ng bestfriend ko.
“Ang laki n'yo na ah!” saad ko at nakapagapiran pa ako sa dalawang bata.
“Ikaw kumusta ka naman Teng?” tanong ng nakangiti na si Josephine sa akin.
“Maayos naman,” balik ngiti ko sa kaniya napangiti pa ako ng makitang inalalayan ni Ding, nang umupo sa tabi nito.
“Malapit na ang kasal mo pero panay mo pa rin gala, ah. Limang araw na lang diba? Dapat mag-stay ka lang muna sa bahay n'yo. Pamahiin malapit sa disgrasya ang mga taong malapit ng ikasal," sermon ni Josephine sa akin.
“Baby, nagkita ulit sila ni Analyn,” sumbong ni Ding sa asawa niya kaya sinamaan ko ito ng tingin.
“Ang tsismoso mo talaga,” mahina ko lang sabi kasi kasama namin ang mga anak nila.
“Habang maaga pa ayusin mo ang buhay mo Dude. Kausapin mo ng maayos si Analyn. Alam ko naman na matagal ka pa rin umaasa na magkikita ulit kayo,”
“Tigilan mo ako Dominador!” mariing sabi ko.
“Bahala ka na nga matanda ka na para pangaralan,” sabi pa sa akin ni Ding.
“Nagsalita ang hindi rin matanda,” nairita kong tugon kay Ding.
“Matanda man ako pero may asawa at mga anak na ako,” tinapik pa ako sa balikat. “Masarap matulog at gumising na katabi ang asawa’t mga anak ko. Pag-isipan mo Teng, habang hindi ka pa natatali kay Sandee. Kahit ilang milyon mo pa itanggi sa akin, na wala ka ng natitirang pagmamahal kay Analyn. Hindi ako maniniwala, dude. Nakalimutan mo yata na daig pa natin ang magkapatid. Kilala natin kahit mga utot natin,”
“Ang kulit mo rin. Matagal ko ng pinatay ang pagmamahal ko kay Analyn,” laban ko pa kay Ding.
“Edi wow na lang. Good luck sa nalalapit mong kasal,” inismiran ako ng loko.
- Writer
