Chapter 10
Tinawag ni Crismafel ang lahat ng empleyado sa unit 35 at ngayon ay nasa harap na sila ni Leon na seryoso ang mukha at ano mang oras na magkamali sila ng kilos ay puwede silang mabulyawan nito.
''Narito na ba ang lahat?'' seryosong tanong ni Leon sa mga ito.
Naroon din si Reagan at ang secretary nitong si Joy.
''Opo, Sir Leon,'' sagot naman ni Crismafel na kampante lang na nakatayo sa gilid ni Leon.
''Maupo ka,'' utos ni Leon sa kaniya. Naupo naman si Crismafel malapit kay Leon.
"Ngayon ay gusto ko e-congratulate ang mga sarili natin dahil nakakuha tayo ng kontrata sa Toyoshi Cars. Malaking pera ang mapapasok sa ating kompanya. At kapag makuha natin bukas ang bidding sa Inzu Cars ay tiyak na mas lalong mapapaganda ang kompanya at may matatanggap kayong magandang binepisyo.
